Aldaǧy jūma künı, iaǧni, 5 tamyzda Braziliianyŋ Rio-de-Janeiro qalasynda HHHI jazǧy Olimpiada oiyndary bastalady. Törtkül dünie köz tıgetın dübırlı jarysty qazaqstandyqtar üş telearna arqyly tamaşalai alady.
Tört jylda bır ret ötetın bairaqty bäsekege Qazaqstannan 104 sportşy attandy. El namysyn qorǧaityn sportşylarymyzdyŋ jarystaǧy körsetkışterı men äserlı sätterı «Qazaqstan», «Habar» jäne «Qazsport» telearnalary arqyly körsetıletın bolady. Älem atletterınıŋ saiysyn qazaqstandyq janküierlerge dereu ärı qyzyqty etıp jetkızu üşın otandyq üzdık sport jurnalisterı tartylyp otyr.
«Qazsport» arnasy alǧaşqy ret Rio-deJaneirodan tıkelei studiia ūiymdastyratyn bolady. Tıkelei baǧdarlamaǧa Olimpiada oiyndarynda sättı öner körsetken sportşylar, sport qairatkerlerı, bapkerler, QR Ūlttyq olimpiada komitetı men Mädeniet jäne sport ministrlıgınıŋ ökılderı şaqyrylatyn bolady. Sport arnasy Olimpiada oiyndarynan keiın derektı film jasaudy da josparlap otyr.
«Astana aqşamy» gazetı de Rio oiyndarynan jaŋalyqtardy üzbei beretın bolady.
