Ūlttyq otbasylyq qūndylyqtarymyzdy därıpteitın «Mereilı otbasy» saiysyna qatysuǧa tılek bıldıruşılerdıŋ sany artyp keledı. Sonyŋ arasynda därıgerlerdıŋ, temırjolşylar men sportşylardyŋ äuletterımen bırge öskeleŋ ūrpaqtyŋ tärbiesıne atsalysyp erekşe jürgen azamattyŋ otbasy bar. Ol – Nūrsūltan men Gülşat Töleuovterdıŋ şaŋyraǧy. Nūrsūltan orta mektepte tehnologiia men syzudan sabaq berse, Gülşat – qazaq tılı men ädebietınıŋ mamany. Erjetıp qalǧan ūlynyŋ ekeuı de oqu ozattary. Äke qolynyŋ şeberlıgı ekı ūldyŋ da boiyna bıtken. Odan qaldy, «sporttan da alatynymyz bar» dep jürgen jalyndy jetkınşekter eken. Ekı jasar Nūrai aǧalarynyŋ süikımdı qaryndasy, ata-analarynyŋ quanyşy bolyp ösıp keledı.
Gülşat pen Nūrsūltan otbasynda būzylmaityn dästür bar. Keşkısın bärı bas qosyp, künı boiy atqarǧan ısterı men bolǧan uaqiǧalardy taldap otyrudy ädet etken. Ärbır keşte ūldary aqtaryla söilep, oilaryn bükpei aityp, alǧan äserlerımen bölısıp otyrady. Onda tūrǧan ne dersız?! Alaida, osylaişa aşyla söilesken saiyn aralarynda syilastyq pen senım ornaidy. Balalarynyŋ dostary kım ekenın de bılmeitın ata-analar üşın būl ülken önege der edım.
Jalpy, qazaq otbasynda äkenıŋ orny bölek. Äsırese, qazırgı balalar üşın äke – qol jetpes asqar tau emes, qinalǧanda qol ūşyn beretın, aqylymen jol körsetıp, jetıstıkterı üşın arqasynan qaǧyp, armanyna qanat bıtıretın jaqyn janaşyry boluy kerek. Nūrsūltan – tek qos ūlynyŋ ǧana emes, mekteptegı jasöspırımderdıŋ de senım artatyn ardaqty ūstazy.
– Otbasynda bala tärbieleudegı täjıribemdı jiı qoldanamyn. Al, jūmystyŋ tüitkılderın esıktıŋ syrtynda qaldyruǧa tyrysamyz. Mektepten tys uaqytymyz özımızge, qos qolqanatymyz ben qyzymyzǧa arnaluy kerek. Otbasynda qandai şeşım qabyldaityn bolsaq ta ūldarymyzben keŋesıp, pıkırlerın eskeremız. Jalpy, bala tärbieleudıŋ qūpiiasy bıreu ǧana: olardy myna qoǧamnyŋ bır müşesı retınde baǧalap, tyŋdai bılu kerek, – deidı otanasy Gülşat.
Arqalyq pedagogikalyq institutynyŋ tülekterı Nūrsūltan men Gülşattyŋ tūŋǧyştary anasynyŋ diplom alǧan künınıŋ ertesıne düniege kelgen eken. Nūrsūltannyŋ ata-anasy erterek qaitys bolǧandyqtan, tūŋǧyştaryn Aŋsaǧan dep ataidy. Töleuovter otbasynyŋ baspanaly bolyp, qonys toiy şıldehanaǧa ūlasuyna sebepker bolǧan ekınşı ūly – Samat. Al, elımızdıŋ täuelsızdıgı künı – 16 jeltoqsanda dünie kelgen Nūraidyŋ tuǧan künı – barlyǧy üşın erekşe data. Sebebı, jas otbasy armany men ümıtın elımızdıŋ bolaşaǧymen bailanystyrady. Qazaqstannyŋ laiqatty azamatyn tärbieleudı Nūrsūltan men Gülşat mereilı mındetımız dep sanaidy.
Äzırge Aŋsaǧan men Samat otbasynyŋ da, mektebınıŋ de maqtanyşy bolyp ösıp keledı. Qalada bolyp jatatyn qoǧamdyq jūmystardyŋ bel ortasynda jüredı. Jaqynda respublikalyq «EKSPO-2017» bäige-körmesınde 3-oryndy ielendı. Olar baiqauǧa oilap tapqan qoqys öŋdeu zauytynyŋ jobasyn ūsynǧan edı. Qazylar alqasy bala qiialdan şyqqan üzdık jobany Türkiiada ötetın jarystyŋ ekınşı kezeŋıne jıberu kerek dep şeştı.
– Ūldarymyz – bızdıŋ maqtanyşymyz. Olar meiırımdı, aqyldy jäne köpşıl bolyp ösıp keledı. «Ūiada ne körseŋ, ūşqanda sony ılesıŋ» degen söz bar ǧoi. Otbasynda eŋbekke töselıp, jaqsylyq pen jamandyqty ajyrata bılgen bala ömırdıŋ şiyr da şytyrman jolynda adaspaidy. Otbasynyŋ şuaǧyn özderımen bırge alyp jüretın bolady, – deidı Nūrsūltan.
Şaŋyraǧy biık, bosaǧasy berık Töleuovter otbasy müşelerı myŋdaǧan elordalyqtai taŋ atsa, bırı – qyzmetıne, bırı – oquyna, keş batsa, üiıne asyǧady. Är keş saiyn saǧynyp kezdeskendei şüiırkelesıp jatqany. Kışılerı – ülkenderın, ülkenderı kışılerın quantyp, jaqsy jaŋalyqtarymen bırınşı bolyp bölıskısı keledı. Olardyŋ äŋgımelerınen bır-bırıne degen qūrmet, syilastyq pen süiıspenşılık esılıp tūrady. Töleuovter otbasynyŋ özgelerden önegesın arttyryp tūratyny da osy erekşelıgı bolsa kerek.
Aigül UAISOVA
