Biyl elordada salynatyn jaŋa tūrǧyn üi keşenderınıŋ bırınşı qabatynda oŋaltu ortalyqtary aşylady. Būl turaly qala äkımı Jeŋıs Qasymbek mälım ettı.
«Erekşe qajettılıkterı bar balalardy medisinalyq jäne qajettı kömekpen barynşa qamtu üşın oŋaltu ortalyqtarynyŋ jelısın keŋeitu boiynşa jüielı jūmys jürgızemız. Biyl bırqatar mektepter men balabaqşalarda inkliuziiany qoldau kabinetın aşudy josparlap otyrmyz. Sol siiaqty jaŋa tūrǧyn üi keşenderınıŋ bırınşı qabatynda äleumettık nysandardy, onyŋ ışınde oŋaltu ortalyqtaryn aşudy qarastyramyz. Mūndai ortalyqtardyŋ aşyluyn ata-analar taǧatsyzdana kütetının bılemın» dedı Jeŋıs Qasymbek.
«Asyl Miras» autizm spektrı būzylǧan balalarǧa arnalǧan ortalyqqa bardym. Būl – Bolat Ötemūratov qory äkımdıktıŋ qoldauymen jüzege asyrǧan Astanadaǧy ekınşı ortalyq. Qazır mūǧalımderdı qabyldau jūmysy jürıp jatyr, köp ūzamai balalar osy ortalyqqa baratyn bolady. Jaŋa ortalyq jylyna 900-ge juyq balany qamti alady» dep tüsındırdı qala basşysy.
Äkım sondai-aq erekşe qajettılıkterı bar balalar qatynaityn №89 balabaqşaǧa bardy. Onda «Bolaşaq» Korporativtık qorymen bırlesıp inkliuziiany qoldau kabinetterı aşyldy. Kezdesude ata-analar tiutorlardy daiyndau mäselesın köterdı. «Bız osy baǧytta jūmys ısteimız. Oŋaltu ortalyqtary balalardyŋ densaulyǧyn saqtauǧa, oŋ nätijeler köruge ärı olardy äleumettendıruge mümkındık beredı. Bärınen būryn, balalardyŋ äleumettenuı maŋyzdy» dedı J.Qasymbek.
