Bır ministrdıŋ orynbasary Esıldıŋ sol jaǧalauyndaǧy Ministrlıkter üiınıŋ ışınen aqşa jymqyrǧan dei me… Ony ūstap alyp, qoiny-qonyşyndaǧysyn erınbei-jalyqpai sanap şyqqan qarjy poliseilerınıŋ esebıne üŋılsem, sūmdyq! Anau milliondarǧa men qala şetınen on sotyq jer alyp, ol jerge äke-şeşeme su jaŋa aǧaş-tastan üi salyp berıp, ol üidıŋ ışı-syrtyn märmärlap, ainalasyn qymbat temır dualmen qorşap, türkımennıŋ alabaiy men qaly kılemın tapsyryspen aldyrtyp… Qysqasy, osyndai-osyndai tūrmystyq jaǧdaiymdy tügel jasap alǧannan keiın, qalǧan aqşany jetımder men qarttar üiıne audara salar edım. Qatynymnyŋ qasarysqanyna qaramastan! Ras aitam…
Öŋeşınıŋ keŋın-aaai! Mūndai jalmauyz bolar ma?!. Ou, sol siiaqtylar kezınde bızge: «Auylda qaşanǧy malmen mal bolyp jüre beresıŋder?! Myŋǧyrǧan şuaş-şuaş qoilaryŋdy, dala şaŋymen ekologiiamyzdy lastaǧan jylqylaryŋdy, sasyq siyrlaryŋdy typ-tipyl etıp qūrtyŋdar, äida! Ondai masyldardyŋ ornyna bız şetten jünı jūlynǧan tauyq äkep beremız. Sonyŋ etın jeseŋder de aştan qyrylmaisyŋdar!» dep dıkıldegen joq pa?! E dep, keiıngı qūs tūmauynan da qoryqpastan, «Buştyŋ būtyn» öŋeşten ötkızuge beiımdele bergende, özderınıŋ ıstep otyrǧandary mynau! Sonyŋ dämdeuışterıne ketetın tiynymyzdy qaltalaryna süŋgıtıp jıberıp! Sosyn, özderı ekran aldynda tük körmegendei maŋqiiady da qalady-ei!..
Qaita, maǧan «būtyn» ūstatyp qoiǧan Buşqa rahmet! Öitpegende, tek jylqynyŋ etın jep üirengen äkem de «tyşqanşylaimyz ba, qaitemız?..» dep mıŋgırlei bastaǧan. Ol baiǧūs kezınde auyldyŋ bas jylqyşysy edı. Klichkasy – Kentavr (taŋnan keşke deiın at üstınen tüspeitın däurenınde klastasy Şäştıbai qoiǧan).
Älgı… vise-ministr deuşı me edı qazır… sol öz tılınde oqyp, jaza da almaidy deidı bıletınder. Men tanymaimyn. Jaraidy, maişelpektı tasada otyryp alyp opyratyn obyrlyǧy bar eken, tym qūrysa, sonyŋ dämın qazaq tılımen tatyp körse, qaitedı? Şaşalyp qala ma? Mümkın emes! Qarjy poliseilerınıŋ sanap şyqqany – özımızdıŋ ūlttyq valiuta. Qaltadaǧy tiyndary bızdıŋ qytailyq kästömdı bır jaǧyna qarai qisaityp jürgen teŋge!..
Özderıŋız şetten aldyrtqan akaraşkınıŋ süiegın şükırşılıkpen müjıgen men qamsyzbyn qazır. Yŋǧaisyz estılse de, bar malynan aiyrylǧan äkem «kempır, bügın «Buştyŋ būtyn» jeiıkşı!..» dep jalǧyz tısın tılımen iterıp otyruǧa äbden töselıp aldy. Al, sızder… Osyndaidy qoiu kerek qoi, jıgıtter!
Erkeǧali BEISENOV
