Öŋırler önımı – ötımdı
Rysgül QAUǦABAEVA, Astana qalasy Käsıpkerlık jäne önerkäsıp basqarmasy bastyǧynyŋ orynbasary:
– Ūlystyŋ ūly künı – Nauryzdy merekeleu biyl būryn-soŋdy bolmaǧan özgeşe jaǧdaida ötkızılmek. Erekşelıgı, elordalyqtardy merekemen qūttyqtauǧa elımızdıŋ 8 aimaǧy kelmek. Atap aitsaq, olar – Pavlodar, Almaty, Aqmola, Qostanai, Soltüstık Qazaqstan men Oŋtüstık Qazaqstan, Qaraǧandy oblystary men Almaty qalasy. Sondai-aq, «Qazaq elı» monumentınıŋ aldyndaǧy alaŋda ötetın järmeŋkege Astananyŋ 14 käsıporny qatysyp, öz önımderın köpşılık nazaryna ūsynbaq. Qalalyq äkımdıktıŋ aldyndaǧy ortalyq alaŋda da ülken merekelık şara ūiymdastyrylady.
– Järmeŋkede qandai önımder satylady? Ärı oǧan kelgen qonaqtarǧa arnaiy merekelık şara ūiymdastyrylady ma?
– Atalmyş järmeŋkege 8 öŋırden 150 tonnadan astam önım jetkızıledı. Onyŋ ışınde auylşaruaşylyq jäne jergılıktı käsıporyndar tauarlary arzan baǧamen satylady. Mäselen, qaraǧandylyqtar «Topar» jylyjaiynda ösırgen kökönısterın arzan baǧamen satady. Ol – ekologiialyq taza önım. Sondai-aq, Qostanaidyŋ «Dep» şaruaşylyǧy äkeletın süt önımderı, ūn, et baǧalary onşa qymbat emes. Būlardan bölek är aimaqtyŋ elordalyqtarǧa arnaiy tartuy bar. Olar – konserttık baǧdarlamalar men sporttyq jarystar.
Jalpy, mūndai järmeŋke qala tūrǧyndary üşın taŋsyq emes. Sebebı, būǧan deiın de bırneşe märte ötkızılgen bolatyn. Merekenıŋ taǧy bır erekşelıgı – sauda düŋgırşekterı kümbezdı bolady. Alaŋǧa kelgen astanalyqtar men qonaqtar bauyrsaq, nauryz köje men palaudan däm tata alady.
– Aityŋyzşy, qala bazarlary men oiyn-sauyq ortalyqtarynyŋ Nauryzǧa daiyndyǧy qalai?
– Älbette, elımızdıŋ töl merekesın merekeleuge qalanyŋ oiyn-sauyq ortalyqtary men bazarlary da zor ülesın qospaq. Mäselen, bügın «Şapaǧat» kommunaldyq bazary Nauryz toiyn jasap jatyr. Sol siiaqty basqa da ūjymdar qarap qalmasy anyq.
Ainūr ŞOŞAEVA