Jaŋalyqtar

«ORALU» FİLMI KÖRERMENGE JOL TARTADY

20150319191902

«Qazaqfilm» jaqynda Ūly Jeŋıstıŋ 70 jyldyǧyna arnalǧan «Oralu» tarihi dramasyn tüsıruge kırısıp kettı.

Film siujetı qazaq elı basynan keşken tarihi näubet jyldaryn – küştep ūjymdastyru, jūt, ekınşı düniejüzılık soǧys jäne soǧystan keiıngı kezeŋdı qamtidy.

QR Mädeniet jäne sport vise-ministrı Ǧalym Ahmediiarov bolaşaq kartinanyŋ jastardyŋ otandy süiuge, anany süiuge nasihattaitynyn aityp öttı.

«Memleket basşysy N.Nazarbaev «Nūrly jol – bolaşaqqa bastar jol» joldauynda 2015 jyl ūlttyq tarihty ūlyqtau jyly, bügıngı biıkterımızdı baǧalau jyly dep atap ötken bolatyn. Osy oraida ūly otan soǧysynda qaza tapqan bozdaqtardy eske alyp, olardyŋ ruhyna taǧzym etu – keiıngı buynnyŋ azamattyq paryzy. Osy baǧytta ministrlık bırqatar ırı şaralardy ötkızdı. Teatrlarda ardagerlerdıŋ şyǧarmaşylyǧyn damytu, körmeler, festivalder, konferensiia, döŋgelek üstelder ötkızılmek», – dedı QR Mädeniet jäne sport vise-ministrı Ǧalym Ahmediiarov.

«Būl film  20 ǧasyrdaǧy qazaq halqynyŋ näubetın körsetedı. Soǧys taqyrybyndaǧy kartinalar az bolǧan. Osynyŋ aldynda belgılı rejisser Mäjit Begalin «Äliia», «El basyna kün tusa»  filmderın tüsırgen bolatyn. Būl joba 20 ǧasyrdaǧy qazaq tarihynyŋ şejıresı desek te bolady», – dedı «Qazaqfilm» AQ töraǧasynyŋ orynbasary Didar Amantai.

Film rejisserı Aqan Sataev («Likvidator», «Reketir», «Zabludivşiisia», «Jaujürek Myŋ Bala») kinony tüsıruge tyŋ ideianyŋ qalai kelgenın aityp berdı.

«Film siujetı menıŋ ata-anamnyŋ aitqan oqiǧasynyŋ jelısınde örbidı. Olar gastroldık sapary kezınde qazaq auyldarynyŋ bırınde auyl şetıne şyǧyp alyp, balasyn kütetın kempırdı körgen. Ony auyl tūrǧyndary jyndy dep sanaǧan. Osy oqiǧany Timur Jaqsylyqov ekeumız ssenariige beiımdedık. Tarihi tūstaryn tarihşy Almas Ordabaevpen keŋesıp aqyldasyp jatyrmyz. Barynşa tarihi şyndyqqa nūqsan keltırmei jūmys jasauǧa tyrysyp jatyrmyz. Bızdıŋ är kiımımız, är sözımız, är dekorasiiamyz tarihşylardyŋ bekıtuınen keiın jasalyp otyr», – dedı A.Sataev.

Onyŋ aituynşa, kino qazaq, orys tılderınde tüsırılıp, keiın bırneşe tıderge dubliaj jasalady.

«Novyi mir prodakşn» prodiusserlık kompaniiasynyŋ bas direktory Svetlana Korotenko mälımdegendei, tarihi tuyndy 2015 jyldyŋ 11 jeltoqsanynda körermenge jol tartady. Sodan keiın TMD elderınıŋ barlyǧynda körsetıledı.

Oqiǧa osy qiyndyqtardyŋ barlyǧyn basynan keşken bır adamnyŋ taǧdyrynyŋ ainalasynda örbidı. Siujet baiandau janrynda jasalǧan.  Balalar üiı, sūrapyl soǧys jyldary, abaqtyny körıp, bırneşe jyldar boiy tamyrynan ajyrap qalǧan adam özınıŋ anasyna oralady. Tuyndy anaǧa, otanǧa degen mahabbatty nasihattaidy.

Aqpannyŋ ortasynda bastalǧan tüsırılım jūmystary negızınen Almaty qalasynda, Almaty oblysynda, Minsk, Stambul qalalarynda ötedı. Keiıpkerlerdı belgılı akterler Ädıl Ahmetov, Arujan Jazylbekova, Erkebūlan Daiyrov, Altynai Nögerbek, Berık Aitjanov, Bolat Äbdılmanov somdaidy.

Tüsırılım prosesıne elımızdıŋ üzdık kinogerlerı, rejisserler, operatorlar, kompozitorlar suretşıler jūmyldyryldy.

Taǧyda

Ūqsas jaŋalyqtar

Pıkır üsteu

Back to top button