Orynbasar YNTYQBAEVA, Astana qalasy temırjol vokzaly bastyǧynyŋ orynbasary: TEMIRJOL BİLETTERIN TERMİNAL DA BEREDI
– Orynbasar Şambaiqyzy, poezdardyŋ qozǧalys kestesı turaly qaidan bıluge bolady?
– Astana vokzalynda anyqtama-aqparattyq qyzmetı jūmys ısteidı. Sız «105» nömırıne habarlasyp, jolauşylar poezdarynyŋ qozǧalys kestesı turaly, olardyŋ jüru baǧyty jönınde, sondai-aq Qazaqstan Respublikasy jäne Täuelsız memleketter dostastyǧy aumaǧy boiynşa poezdaǧy oryndardyŋ boluy jäne jol jüru qūny turaly aqparat ala alasyz. Būl turaly bızdıŋ vokzaldyŋ ışınde är ekı saǧat saiyn diktor qyzdar da habarlap otyrady.
Sonymen bırge Sızder poezdarǧa oryndardyŋ boluy, kelu uaqyty men keşıgıp keluı turaly aqparattardy jäne basqa da ärtürlı anyqtamalardy Astana temırjol vokzalyndaǧy «Ūjymdyq paidalanu tablosy» arqyly alularyŋyzǧa bolady.
Ūjymdyq paidalanu tablosy vokzaldyŋ kassalar jäne kütu zaldarynda ornatylǧan.
– Keide kışkentai balalarymyzben bırge jol jüruge tura keledı. Ondaida ärine balalardyŋ mazasy ketıp, tynyşsyzdanatyny belgılı ǧoi. Astana vokzalynda osyndai balaly analarǧa arnalǧan zal bar ma?
– Balalarmen jüretın jolauşylarǧa arnalǧan zal eskı vokzaldyŋ bırınşı qabatynda ornalasqan. Al, 10 jasqa deiıngı balalarmen jüretın jolauşylar kütu zalyna ötıp, özderıne kerektı uaqytqa deiın poezdy kütulerıne bolady.
– Men jūmys babymen Qazaqstannyŋ qalalaryna ıssaparǧa jiı şyǧyp tūramyn. Sonda baiqaǧanym, qazır temırjol biletterın vokzalǧa barmai–aq, ortalyqtarda ornalasqan terminaldar arqyly da satyp aluǧa bolady. Terminaldar arqyly taǧy qandai aqparat aluǧa bolady?
– İä, qazırgı kezde jolauşylar vokzaldyŋ bilet zaldarynda özıne-özı qyzmet körsetetın tranzaksiialyq terminaldardan, sondai-aq kütu zaldarynda ornalasqan özıne-özı qyzmet körsetetın tölem terminaldary arqyly qolma-qol aqşaǧa temırjol biletterın satyp ala alasyzdar. Temırjol biletterın Astana men Almatydan basqa Qaraǧandy jäne Aqtöbe qalalarynyŋ vokzaldarynda ornalasqan osyndai arnaiy terminaldar arqyly satyp aluǧa bolady.
Terminaldardyŋ kömegımen keste, biletterdıŋ bar-joǧy turaly anyqtamalyq aqparatty tegın alularyŋyzǧa, poezd taŋdaularyŋyzǧa jäne qolma-qol qarajat tölei otyryp, bilet satyp alu mümkındıkterı de qarastyrylǧan bolady.
Terminal token beredı, onyŋ kömegımen bilet blankısın özıne-özı qyzmet körsetetın tranzaksiialyq terminaldar arqyly nemese bilet kassasynda basyp şyǧaruǧa bolady. Mūndai terminaldar respublikamyz boiynşa bırneşe ırı sauda, oiyn-sauyq ortalyqtarynda jäne basqa da qoǧamdyq oryndarda ornalasqan.
– Astanaǧa bırınşı ret at basyn būrǧaly otyrmyz. Almaty oblysynan habarlasyp tūrmyn. Atym – Aqerke. Aityŋyzşy, qalaǧa alǧaş kelgen adamnyŋ köp qiyndyqtarǧa tap boluy mümkın ǧoi. Onda menı qūşaq jaiyp qarsy alar tuysym ne tanysym da joq. Poezdan tüsken soŋ, qonaq üige baryp toqtasam ba deimın ǧoi. Taksi qyzmetı qalai bolady eken?
– Būl mäselenıŋ bärın bızde oŋtaily şeşu jaǧy qarastyrylǧan. Astanaǧa şynymen de kün saiyn qanşama adam aǧylyp kelıp-ketıp jatady. Äsırese, jaz mezgılınde bızdıŋ qalaǧa keluşıler tym köp. Olardyŋ sany osy kezderde ädettegıden 2-3 esege deiın köbeiıp ketedı. Osy jyldyŋ şılde-tamyz ailary aralyǧynda ortaşa eseppen alǧanda bır sötkede 7 myŋǧa juyq jolauşyǧa qyzmet körsetıppız.
Bızdıŋ vokzal ǧimaratynda sız sekıldı jolauşylardyŋ qauıpsızdıgın qamtamasyz etu maqsatynda, vokzal alaŋynda arnaiy orynda ornalasqan resmi taksi qyzmetın qoldanularyŋyzǧa äbden bolady.
Astanalyq temırjol vokzalynyŋ syiymdylyǧy 1800 jolauşyǧa eseptelgen. Poiyzdardan tüsken jäne poiyzdarǧa otyratyn jolauşylarǧa arnaiy jabdyqtalǧan ekı otyrǧyzu platformasy qyzmet körsetedı. Jolauşylarǧa qolaily jaǧdai tuǧyzyp, olarǧa servistık qyzmet körsetu maqsatynda vokzalda eskalatorlar jäne mügedekter üşın liftıler ornatylǧan.
Vokzal keşenınde tört kütu zaly, bır qonaq üi, üş jük saqtaityn oryn jai, ekı servistık ortalyq, on bankomat, valiuta aiyrbastaityn punkt, därıhana, namazhana, taǧy basqa da köptegen oryndar jolauşylarǧa qyzmet körsetıp tūr. Sondai-aq, qoǧamdyq tärtıptı saqtaityn polisiia qyzmetkerlerı men köşı-qon polisiiasy, äskeri komendatura, sanitarlyq epidemiologiialyq stansa kündız-tünı jūmys ısteude.
– Menıŋ ekınşı toptaǧy mügedek aǧam bar. Ol būryn-soŋdy basqa elge poezben qatynap körmeptı. Almaty oblysyndaǧy tuystarymyz ünemı şaqyrady. Soǧan bır baryp kelsek pe dep edık. Bızdıŋ poezdarda mügedekterge qandai da bır jeŋıldıkter bar ma?
– Tūrǧyndardyŋ mümkındıgı şekteulı tobyna arnalǧan servistık qyzmet körsetu deŋgeiın arttyru maqsatynda Astana vokzalynda mümkındıgı şekteulı jolauşylarǧa qyzmet körsetu boiynşa № 3 bilet kassasy jäne vokzaldyŋ eskı ǧimaratynda ornalasqan demalu bölmesı aşyldy. Mümkındıgı şekteulı jolauşylardy avtokölıkten jolauşylar vagonyna nemese qalamaŋylyq poezdarǧa jetkızu üşın vokzaldyŋ jaŋa ǧimaratynda ornalasqan Astana vokzalynyŋ kezekşı kömekşısınıŋ kabinetınde mügedekterge arnalǧan arba bar.
Tūrǧyndardyŋ mümkındıgı şekteulı tobyna qyzmet körsetu mäselesı boiynşa barlyq sūraqtardy vokzal bastyǧynyŋ kezekşı kömekşısınen, vokzal boiynşa jäne anyqtama beru boiynşa kezekşılerden sūraularyŋyzǧa nemese tömendegı telefondarǧa qoŋyrau soǧularyŋyzǧa bolady. Astana vokzaly bastyǧynyŋ kezekşı kömekşısıne 94-34-93 telefony arqyly nemese anyqtama biurosyna 105 nömırın teru arqyly habarlasularyŋyzǧa bolady.
– Atym – Ainūr. Astana arqyly özge qalalarǧa qatynaityn firmalyq poezdar köbeiıp keledı. Solar turaly tolyǧyraq bılgım keledı.
– Ainūr, 2012 jylǧy 1 şıldeden bastap «Jolauşylar tasymaly» Aksionerlık Qoǧamy «Qazaqstan temırjoly «Ūlttyq Kompaniiasy» Aksionerlık Qoǧamy qūrastyrǧan, «Almaty-Petropavl» qatynasyndaǧy №151/152 jaŋa jürdek poiyzdar halyqqa qyzmet körsetıp keledı. Būl poiyzdar da «Talgo» jailylyǧy joǧary vagondarynan qūralǧan. Poiyzdardyŋ jolda jüruınıŋ jalpy uaqyty 18 saǧat 45 minutty qūraidy. Biletterdı temırjol kassalary jäne İnternet, www.railways.kz , www.temirzholy.kz, www.pcentre.kz veb-saittary sonymen qatar, öz-özıne qyzmet körsetetın terminaldar arqyly satyp aluǧa bolady.
Sızderdıŋ qolailylyqtaryŋyz üşın 2-ınşı jäne 3-ınşı joldardyŋ arasyndaǧy perronda ornalasqan qalamaŋylyq kassalary qosymşa jūmys ısteidı.
Tolyǧyraq aitar bolsam, jolauşy poiyzdaryn jöneltu jäne qabyldau Astana stansasy bas parkınıŋ üş joly arqyly tört baǧyt boiynşa jüzege asyrylady. Jalpy, respublikamyzdyŋ bas qalasy Astana arqyly bügıngı taŋda 31 par jolauşylardyŋ jäne 20 qala maŋyna jüretın poiyzdar qatynaidy.
Astanalyq temırjol vokzaly elımızdıŋ barlyq oblystary ortalyqtaryna, sondai-aq TMD elderınıŋ Mäskeu, Minsk, Kiev, Brest, Sankt-Peterburg, Sverdlovsk, Bışkek, Taşkent, Omby jäne halyqaralyq baǧyttar boiynşa qatynaityn Ürımşı qalasymen de tyǧyz bailanysta jūmys ısteidı.
Gülbarşyn ÖKEŞQYZY