DensaulyqJaŋalyqtar

OTBASYLYQ DENSAULYQ ORTALYǦY

ERA_4406

Būrnaǧy künı Astana qalasy Densaulyq saqtau basqarmasynyŋ basşysy Aigül Segızbaevanyŋ qatysuymen auysymyna jüz elu adamdy qabyldaityn, zamanaui medisinalyq qūraldarmen jabdyqtalǧan «Dostyq» otbasylyq densaulyq ortalyǧynyŋ aşylu saltanaty boldy.

Basqarma basşysy öz sözınde būl ortalyq Qazaqstan Respublikasynda densaulyq saqtaudy damytudyŋ 2011-2015 jyldarǧa arnalǧan «Salamatty Qazaqstan» memlekettık baǧdarlamasyn jäne Elbasynyŋ «Qazaqstan-2050» Strategiiasyn ıske asyru şeŋberınde salynǧanyn atap öttı. Onyŋ aituynşa, ortalyqta jalpy praktika därıgerlerı qabyldau jasaidy. Türlı zerthanalyq zertteuler jürgızılıp, proseduralyq jäne ekpe jasau kabinetterı, kündızgı stasionar jūmys ısteidı. Basqaşa aitsaq, basy auyryp, baltyry syzdaǧan jūrtqa bastapqy medisinalyq-sanitarlyq kömek körsetu üşın bar jaǧdai jasalǧan.

Ortalyq jabdyqtarynan habar bersek, onda fliuorografiialyq qū­rylǧy, nauqastardy ultradybystyq tek­seruge arnalǧan stasionarlyq türlı-tüstı apparat, zerthanalyq jäne fizioterapevttık qondyrǧylar orna­tyl­ǧan. Sonymen qatar, üş brigadadan jasaqtalǧan jedel medisinalyq jär­demnıŋ qosymşa stansiiasy ıske qosyldy.

Ortalyqtyŋ bas därıgerı Serjan Dosanovtyŋ sözıne sensek, osy stansanyŋ arqasynda şoiyn qūiu zauytynyŋ aumaǧynda tūratyn halyqqa jedel järdem kölıgı būryn­ǧydai 20-30 minutta emes, 5-10 minutta jetetın bolady.

Jaŋa ortalyqtyŋ taǧy bır artyq­şylyǧy – onyŋ aşyluyna bailanysty №3 jäne №7 qalalyq emhanalardyŋ jüktemesı azaiyp, şoiyn qūiu za­uyty­nyŋ aumaǧynda jäne «Öndırıs» tūrǧyn alabynda tūratyn halyqqa qoljetımdı medisinalyq järdem körsetıledı.

Bas därıgerdıŋ aituynşa, ortalyq on bes myŋǧa juyq adamǧa, sonyŋ ışınde 5375 bala men bala tuu jasyn­daǧy 3617 äielge qyzmet körsetedı.

Jaŋadan aşylǧan «Dostyq» otbasylyq densaulyq ortalyǧy Jahanşa Dosmūhamedūly 24 meken-jaiynda ornalasqan.

Amanǧali ŞMİTŪLY

Taǧyda

Ūqsas jaŋalyqtar

Pıkır üsteu

Back to top button