Elbasy N.Nazarbaev Ükımettıŋ keŋeitılgen otyrysynda otandyq öndıruşılerdı qoldauǧa şaqyryp, «Qazaqstanda jasalǧan» aksiiasyn qolǧa alu mäselesın kötergen bolatyn. Köp ūzamai jappai ırı sauda jelılerınde otandyq tauarlar eŋ körnektı ärı yŋǧaily jerge ornalastyrylyp, önımnıŋ tūtynuşysyna jetuıne jete män berıldı. Aksiia barysynda anyqtalǧandai, nan-toqaş jäne ūn, makaron, konditerlık önımderge, nan, et-süt, ūntaq jarma, jūmyrtqa taǧy basqa kündelıktı tūtynatyn azyq-tülık tobynda tek özımızde öndırılgen önımderdıŋ ötımdı ekenıne közımız jettı.
Otandyq tauarlardy nasihattau tek sörelerdı öz önımderımızben toltyru ǧana emes, orta jäne şaǧyn biznestı qoldau bolyp tabylady. Al şaǧyn jäne orta biznes – tūrǧyndardyŋ tabysyn arttyratyn jäne eŋbekpen qamtamasyz etetın naqty sala. Astana qalasy boiynşa 60 myŋǧa juyq şaǧyn jäne orta biznes subektılerı belsendı jūmys ısteude. Onda 233 myŋ adam eŋbek etedı eken. Aita ketsek, ötken jyldyŋ özınde ǧana şaǧyn jäne orta biznes salasynda 34 myŋ jaŋa jūmys oryndary qūrylypty.
– El Prezidentınıŋ ündeuınen keiın, «Qazaqstanda jasalǧan» aksiiasyn alǧaşqylardyŋ bırı bolyp «A2» supermarketter jelısı qoldap, dükenderınıŋ bırınde arnaiy promouşn söre aştyq. Qaladaǧy jetı bırdei dükenımızde köp satylatyn tauarlardyŋ denı tek otandyq önımder. Osydan ekı jyl būryn ǧana bastalǧan käsıbımızdıŋ örkendeuıne özımızdıŋ elde öndırılgen tauarlardy satudan tüsken paidanyŋ üles salmaǧy eleulı boldy desek jaŋylmaspyz, – deidı «A2» supermarketter jelısınıŋ äkımşısı Kümıs Tolybek.
«Qazaqstanda jasalǧan» aksiiasyn qoldaǧan qalalyq supermarketterdıŋ qatarynda «Bahus-sentr» de bar. Oǧan qarasty «5 minut» sauda oryndary qalalyqtarǧa jaqsy tanys. «Qazaqstandyq önımderdıŋ sapasy men baǧasy jäne onyŋ laiyqty bezendırıluı tūtynuşylardyŋ oiynan şyǧuy tiıs» deidı osy ortalyqtyŋ direktory Valentina Kasendorf. – Şeteldık bäsekelestermen salystyrǧanda, qazaqstandyq öndıruşıler köş bastap keledı. Ūn-bidai önımderı boiynşa tek qazaqstandyq öndıruşılermen jūmys ısteimız. Satylymdaǧy nan-makaron önımderınıŋ 100 paiyzy otandyq önımnen tūrady. Jarma, ösımdık maiy boiynşa qazaqstandyq öndıruşılerdıŋ tauarlary 65 paiyzdy qūraidy. Al baqşa önımderı jäne jylqy, siyr, qoi etı tügeldei osy töŋırekten keledı. Bızdıŋ düken jelılerınde tiımdı logistika jolǧa qoiylǧan. Tūtynuşylarymyzǧa baǧasy jaqqan önımderdıŋ düken sörelerınen üzılmeuın qadaǧalaimyz. Ondai tauarlardyŋ tūsyna «Qazaqstanda jasalǧan» degen türlı-tüstı jarnama jazular jazylyp qoiylady. Būl qazaqstandyq önımdı erekşelep, tartymdylyǧyn arttyrady. Eger jaŋa önım şyqsa da, onyŋ tūtynuşylaryna tez jetuıne barlyq jaǧdai jasap, jarnamasyna köŋıl bölemız, -deidı direktor.
– Bastamanyŋ özı köŋılge maqtanyş ūialatady. Öz jerımızde öndırılgen önımnıŋ qadırın arttyratyn osy ideiany Elbasy
tegın köterıp otyrǧan joq. Sebebı, bızdıŋ auyl şaruaşylyǧy önımderımız ekologiialyq tūrǧydan taza dep baǧalanady. Iаǧni, «jasyl ekonomika» degen ūǧymmen ūştasyp, türlı himiialyq zattarmen, dämdeuışter men saqtau merzımın arttyratyn zattarmen bülınbegenı üşın osy talapqa sai kelıp otyr. Būl – bızdıŋ önımderdıŋ sapasynyŋ belgısı. Degenmen, bäsekege sai bolyp, naryq şeŋberın keŋeitu üşın memleket tarapynan türlı salyqtyq jeŋıldıkter, subsidiialar taǧy basqa da qoldau şaralar körsetılse, bızdıŋ eldıŋ önımı ülken naryqta öz ornyn tauyp, bäsekege tötep bere alar edı, – deidı käsıpker Meruert Äbdalieva.
Ärine, tūtynuşylar men käsıpkerlerdıŋ de qolaiyna qatar kelgen bastama jalǧasyn tabuda. Onyŋ bır aksiia şeŋberınde qalmai, özımızdıŋ önımderdı satyp aluǧa degen patriottyq qūlşynysymyzdyŋ qalypty dästürge ainalatyn künı de alys emes dep boljaimyz.
Aigül UAISOVA
