Punktterden 4785 adam aqyl-keŋes aldy
Ūlan NAUŞABAEV, «Jūmyspen qamtu ortalyǧy» MKM-nıŋ Jūmysqa ornalastyru jäne monitoring bölımınıŋ meŋgeruşısı:
–Biyl halyqqa qyzmet körsetu ortalyqtary siiaqty kısı qarasy mol jerlerden Jūmyspen qamtu ortalyǧynyŋ punktterı aşylǧanyn baiqadyq. Nätije qandai?
–İä, biyldan bastap «Saparjai» avtovokzalynda jäne Saryrarqa, Esıl audandarynyŋ halyqqa qyzmet körsetu ortalyqtarynda «Jūmyspen qamtu baǧdarlamasy-2020» baǧdarlamasy jönınde azamattarǧa keŋes beretın punktter aşqanymyzdyŋ arqasynda elordanyŋ eŋbek naryǧyn retteu mümkınşılıgı keŋeie tüstı. Öitkenı, qaita daiarlau kurstary bar ekenın, elordaǧa qandai kadrlar jetıspei jatqanyn jalpaq jūrt bıle bermeidı. Al aiaqtai baryp, jön sūrauǧa uaqyt tapşy. Sondyqtan halyqqa bırtaban bolsa da jaqyndaiyq degen oimen osylai ūiymdastyrdyq. Aşylǧaly berı atalmyş punktterden 4785 adam aqyl-keŋes aldy. Esıl audandyq HQO-dan – 1260, Saryrqa audandyq HQO-dan – 2191, «Saparjaidan» – 1366 adam qyzmetımızdı paidalandy.
-Sondai-aq jiı-jiı järmeŋke ötkızıp tūrasyzdar. Jūrt ızdegen jūmysyn tauyp jatyr ma?
-Ärine. Mysaly, künı keşe ǧana 19-20 mausymda ötken qajet mamandyqtar järmeŋkesıne sanaluan qyzmet körsetu türımen ainalysatyn 54 jūmys beruşı qatysyp, 1000-ǧa juyq jaŋa jūmys ornyn ūsyndy. Ekı myŋǧa tarta adam keldı. Äsırese, joǧary oqu ornyn endı bıtırgen jastar köp. Järmeŋke qorytyndysy boiynşa 321 adamǧa jūmysqa joldama berıldı. Jastardy käsıpke beiımdeuge joǧarǧy oqu oryndary da belsene atsalysty.
– Biyl qandai jaŋa mamandyqtar oqytylady?
–Tehnikalyq mamandyqtar, gazelektrdänekerleuşı, aǧaş şeberı, qūrylysşy siiaqty qarapaiym jūmysşy mamandyqtar qaşan da kerek. Mysaly, 19 mausymda Ükımet qaulysymen «Jūmyspen qamtudyŋ jol kartasy – 2020» bekıtıldı. Astanada sonyŋ bırınşı baǧyty boiynşa, iaǧni, äleumettık-mädeni infraqūrylymdardy salu men jöndeu, tūrǧyn üi-kommunaldyq şaruaşylyǧyn modernizasiialauǧa köŋıl bölu arqyly jaŋa jūmys oryndary aşylady.
Al üşınşı baǧyty būrynǧysynşa qajet mamandyqtardy qaita daiarlauǧa arnalyp otyr. Olardyŋ tızımı qajettılıkke qarai rettelıp otyrady. Mäselen, Astanada memlekettıkpen qosa, jekemenşık balabaqşalar, şaǧyn ortalyqtar aşyluda. Iаǧni, tärbieşı mamandyǧy kerek. Esepşı mamandyǧyna sūranys köp. Sondai-aq, EXPO-2017 qarsaŋynda taksi jürgızuşısı, audarmaşy-gid mamandyqtaryn qosyp otyrmyz. Biyl şamamen 400-den astam adam qysqaşa oqu kursynan ötedı.