Elordada eŋ aldymen, qozǧalysy qarqyndy, jaŋa äleumettık nysandary (kırme joldar) bar köşeler men oryndar jöndeledı. Būl turaly Astana äkımı Jeŋıs Qasymbek mälım ettı.
«Köktem mezgılınıŋ bastaluymen keibır köşelerde asfalt qarmen bırge aǧyp ketkendei äser qaldyrady. Joldardyŋ bärı derlık sapaly salynbaǧan. Tūrǧyndar tarapynan da şaǧymdar tüsıp jatyr. Jauapty basqarma jol qyzmetkerlerımen bırlese jöndeuden ötetın joldar men köşelerdıŋ sapasyn ärı ūzaqqa şydamdylyǧyn qamtamasyz etuı kerek. Ötınışterdı eskere otyryp, köşeler tızımın jaŋartu qajet. Eŋ aldymen, qozǧalysy qarqyndy, jaŋa äleumettık nysandary (kırme joldar) bar oryndardy jöndeu qajet» dedı qala basşysy.
Sondai-aq J.Qasymbek jaŋadan salynyp jatqan audandarda injenerlık infraqūrylymy men üilerdıŋ qūrylysy bıtkennen keiın ǧana joldary salynatynyn jetkızdı. «Sol siiaqty eldı mekenderde būryn müldem asfalttalmaǧan köşeler de bar. Al jaŋadan salynyp jatqan audandarda injenerlık infraqūrylymy men üilerdıŋ qūrylysy bıtkennen keiın ǧana joldary salynady. Oǧan deiın uaqytşa tösemmen qamtamasyz etu qajet. Jol jūmysynyŋ mausymy qysqa. Sol sebeptı uaqyt ta tyǧyz. Bız sapasyz oryndalǧan jūmystardy qabyldamaimyz» dep eskerttı äkım.
