Astana künı merekesıne orai klassikalyq at sportynan jarys öttı. At jalyn tartyp mıngen halyqtyŋ ūrpaǧy elorda toiynda «Qazanat» ippodromynda baptap jürgen säigülıkterın dodaǧa qosty.
Elbasynyŋ jüldesı üşın ötıp jatqan halyqaralyq bäigenıŋ negızgı talaby – at sportynyŋ klassikalyq türınen synǧa tüsu. Älemnıŋ 11 memleketınen kelgen januarlar arnaiy sipattaǧy kedergılerden sekırıp, şabandozdar özara baq synasty. Sonymen qatar klassikalyq ädıspen 120 şaqyrym ūzaqtyqqa jarysty.
At sportynyŋ osy ekı türı Olimpiadalyq oiyndar baǧdarlamasyna ötken ǧasyrdyŋ basynda engen. Ūzaq qaşyqtyqqa jeletın at jarysy bız bıletın 30-40 şaqyrymdyq alaman bäigedei emes, mūnda tūlparlar anaǧūrlym ūzaqqa şabady. Ärbır 30 şaqyrymdy şauyp kelgen soŋ jylqyny toqtatyp, mamandar jürek qaǧysyn, qan qysymyn,tynysyn ölşeidı. 20 minuttai tynyqtyryp, suytady, azdap jemdep aluǧa da bolady. Al, demın basa almai, artyq entıkken jylqy dereu jarystan şyǧarylady. Būl jerde şabandozǧa da qoiylatyn talap myqty. Tūlparǧa qamşy basuǧa bol- maidy, taqymmen tebınuge de tyiym salynǧan.
Qysqasy, atty qinauǧa rūqsat joq, mejelı qaşyqtyqty erkın şauyp ötuı kerek. Jarys bügın jalǧasatyn bolady.
Ajar ERBOLǦAN, L.Gumilev atyndaǧy Euraziia ūlttyq
universitetınıŋ studentı
