Qairat JAQYPOV, «Astana qalasy boiynşa belgılı tūraǧy joq adamdarǧa arnalǧan äleumettık beiımdelu ortalyǧy» KMM direktory: TŪRAǦY JOQTAR TAǦDYRY OILANTADY
– Qairat Äsetūly, ortalyqtyŋ ahualy qalai? Kün suytqaly mūnda keluşıler sany köbeigen şyǧar?
– Beiımdeu ortalyǧy negızınen 180 adamǧa laiyqtalǧan. Bıraq, mūnda keluşılerdıŋ sanyn esepke ala otyryp, 230 adamdy qabyldauǧa mümkındık jasadyq.
Bügıngı taŋda mekemede 201 adam tūryp jatyr. Būdan bölek künıne 18-20 adam kelıp-ketedı. Iаǧni, keşkısın qonatyn jerı joq jandar ortalyqqa tünep, taŋerteŋ ketıp qalady. Keşkısın jūmysyn bıtırgennen keiın ortalyqty qaita panalauǧa mäjbür. Mūnda kelgen jandardyŋ taǧdyry ärtürlı. Bız keşendı jūmystar jürgızıp, qaidan kelgenın, qaida baratynyn, qaida jıberu kerektıgın zertteimız.
– Ortalyqqa tüsken adamǧa qandai kömek körsetıledı?
– Tūraǧy joq adamdardyŋ küiı bolmaityny belgılı. Eŋ aldymen, olardy sanitariialyq jaǧynan qadaǧalaimyz. Juyndyryp, taza kiımdermen qamtamasyz etemız. As-suyn bergennen keiın, därıgerler densaulyǧyn baqylaidy. Jūqpaly aurumen auyratynyn nemese auyrmaitynyn tekseremız. Qūjatynan aiyrylǧandarǧa qūjat daiyndaimyz, tuysynan adasqandardyŋ tuystaryna ızdeu salamyz, jüike auruyna şaldyqqandardy arnauly auruhanaǧa jıberemız, mügedek jandardy nemese qariia kısılerdı qarttar üiıne jetkızemız. Osyndai jan-jaqty äleumettık kömek körsetu arqyly ortalyqqa keluşılerdıŋ sanyn rettep otyramyz.
– Azamattar beiımdeu ortalyǧyn qanşa uaqytqa deiın panalai alady?
– Ereje boiynşa bır jylǧa deiın ǧana panalatuǧa mümkındıgımız bar. Al syrttan, iaǧni, özge öŋırden kelgender bır aiǧa deiın osynda bolady. Astanaǧa elımızdıŋ är aimaǧynan kelıp, ne jūmys, ne baspanaǧa qoly jetpei, beiımdeu ortalyǧyna kelgen azamattardy qaitadan elıne qaitaruǧa kömektesemız.
– Üisız-küisız jandar mūndai ortalyqtyŋ bar ekendıgın qalai bıledı?
– Tüngı qonu bölımıne tüneuge keletın azamattar özderı kelıp-ketıp jüredı. Sonymen qatar «Äleumettık patrul» jūmys ısteidı. Olar qoǧamdyq oryndarda, vokzal, äuejai, saparjai, bazar maŋyna reidke şyǧyp, tūraǧy joq qaŋǧyp jürgenderdı tügendeidı. Jalpy, qoǧamnyŋ äleumettık kömekke zäru kez kelgen müşesıne järdem beru, äleumettık kömek körsetu – memlekettıŋ ūstanǧan bır baǧyty.
– Äŋgımeŋızge rahmet!
Gülmira AIMAǦANBET