«Jūmyspen qamtu – 2020» baǧdarlamasy boiynşa jan-jaqty josparly şarua tyndyrylyp jatqany turaly keŋinen aitylyp ta, jazylyp ta jür. Būl baǧdarlama qazirgi kezde jūmyssyzdar qataryn azaituda zor röl atqara bastady. Memlekettiŋ özi bas bolyp el işindegi jūmyssyzdyqpen küresuge mol qarjy bölip, bos jürgen äleumetti qajetti mamandyqqa oqytyp, sonyŋ nesibesin köruge nasihat jürgizude.
Äsirese, täjiribesi joq jas mamandarǧa mūndai baǧdarlama keŋ kökjiek aşqandai. Tek pälen jyldyq täjiribesi bar saqa kadrlardy qajetsinetin ūiymdar endi Jūmyspen qamtu mekemesiniŋ qaita daiarlaudan ötkizgen mamandaryna sūranys tudyra bastady. Öziniŋ bir jerden üirene almaǧanyn jas maman Jūmyspen qamtu mekemesine kelip, qaita oqytuǧa den qoia jürip, igeredi. Osyndai qadam arqyly täjiribe jinap, kez kelgen mekemege jūmysqa tūruǧa mümkindik alyp jatqan jastar legi az emes.
Sonyŋ bir ǧana mysaly retinde redaksiiamyzǧa kelip, jaqsy jūmysqa tūru mümkindigine ie bolǧan quanyşymen bölisken astanalyq Dinara Nälibaevany aitsaq bolady.
Dinara mektep bitirisimen Ekonomika, tehnologiia jäne taǧam öndirisin standarttau kolledjine oquǧa tüsedi. Buhgalterlik mamandyqty taŋdaǧan eken. Oquyn tämamdaǧan soŋ birden jūmys tabu maqsatynda Jūmyspen qamtu mekemesiniŋ esigin qaǧady. Mūndaǧy mamandar ony «Zodiak» PİK-ne taǧylymdamadan ötuge jiberedi. Sol jerde bes aidai istiŋ anyq-qanyǧyna közin üiretip, köŋiline toqyǧan salmaqty qyz osynda jūmysqa qalǧysy keletinin bildiredi. Ondaǧy basşylyq ta Dinaranyŋ qabiletin airyqşa baǧalap, jūmysqa qabyldauǧa äzirlikterin körsetedi. Tek ol üşin oǧan öziniŋ buhgalterlik mamandyǧy boiynşa 1S baǧdarlamasyn üirenu qajettiligi tuyndaidy. Jūmyspen qamtu mekemesi Dinaranyŋ sūranysyna orai oǧan 1S baǧdarlamasyn jetik meŋgeruine mümkindik jasaidy. Ol bir ai boiy Aqmola oqytu-kurstyq kombinatynda 1S baǧdarlamasyn üirenip şyǧady. Qaita daiarlyqtan öte salysymen özi täjiribe jinaqtaǧan «Zodiakqa» tūraqty jūmysqa ornalasqan Dinaranyŋ endigi quanyşynda şek joq.
Qazirgi taŋda osyndai mysaldar köbeiip kele jatyr. Qalamyzdaǧy Jūmyspen qamtu mekemesi öz kezeginde sūranysqa ie mamandyqtardy qajetine sai daiarlyqtan ötkizudi tūraqty jalǧastyra beretindigin habarlaidy
Şynar ÄBILDA