QAITA ÖŊDEI BILSE, QALDYQ TA QADELI
Kezektı sessiiaǧa daiyndyq barysynda qalalyq mäslihattyŋ bır top deputaty elordadaǧy №2 jylu elektr ortalyǧyna baryp, atqarylyp jatqan jūmystarmen tanysty.
«Astanaenergoservis» AQ-nyŋ basqarma töraǧasy Säuırbai Esjanov pen «Astana-
Energiia» AQ-nyŋ basqarma töraǧasy Maqsat Erdembekov halyq qalaulylaryna atalmyş jylu ortalyǧynyŋ qūrylǧylaryn körsettı. Osyǧan orai deputattar №2 jylu ortalyǧynyŋ quattylyǧy saǧatyna 120 megavatty öndıretın besınşı agregattyŋ jūmysyn közderımen köruge mümkındık aldy. Sondai-aq, halyq qalaulylary aldaǧy jyldyŋ jazynda paidalanuǧa berıletın E-550 jetınşı qazandyq agregatyn qūrylymdau jaiyna qanyqty. Osy jylu elektr ortalyǧynyŋ qarqyndy damyp kele jatqan Astana sekıldı qalany tolyqtai qamtamasyz etuge şamasy kelmei otyrǧany aityldy. «Sondyqtan, elorda jyludyŋ jartysyn Ekıbastūz jylu-elektr ortalyǧynan satyp aluǧa mäjbür» dedı M.Erdembekov. Onyŋ aituynşa, qalanyŋ ekologiialyq ahualyn jaqsartu maqsatynda käsıporynda josparly jūmystar jasaluda. Äsırese, qaldyqtardyŋ, küldıŋ kölemın azaiyp, atmosferaǧa şyǧarylatyn basqa da ziiandy zattardy qaita öŋdeudıŋ jaŋa tehnologiialaryn paidalanuǧa, paidalanylǧan jerdı qaita qalpyna keltıruge meilınşe män berılude.
Talqylanǧan mäselege bailanysty deputattar M.Şekenov, B.İsabaev, Z.Şıbkenov, M.Oralov, B.Solsanov pıkır bıldırıp, kül üiındısınıŋ qūramyndaǧy zattardy baqylau jūmystarynyŋ qalai jürgızılıp jatqanyna köŋıl böldı. Al,
deputat Bauyrjan İsabaev jylu ortalyǧynan şyǧarylatyn küldı qaita öŋdep, ony qūrylysqa, jol salu qamyna paidalanudyŋ maŋyzdylyǧyna toqtaldy.
Köşpelı mäjılıstı qorytyndylai kele, qalalyq mäslihattyŋ hatşysy Sansyzbai Esılov elordanyŋ auasyn lastauşy käsıporyndardyŋ bırı jylu-elektr ortalyǧy ekenın, sondyqtan, osy mäselenı jan-jaqty talqylap, aldaǧy uaqytta qaladaǧy ǧylymi qyzmetkerlermen jäne L.Gumilev atyndaǧy Euraziia ūlttyq universitetınıŋ injenerlık fakultetınıŋ studentterımen bırlese jūmys ısteu kerektıgın eskerttı.
Sodan soŋ deputattar «Astana Eko-Poligon NS» käsıpornyn aralap, tūrmystyq qaldyqtardy kömu jäne qadege jaratu jaiymen tanysty.
Gülbanu
MAMYRAIYMOVA