QAIYRYMDYLYQ ŞYRŞA MEREKESI
Elordadaǧy Qazaqstan halqy assambleiasy Astana qalasynyŋ qylmystyq-atqaru jüiesı departamentımen jäne «İtaliano» meiramhanasy ūjymymen bırlesıp «Qaiyrymdylyq arqyly bırlıkke» atty jaŋa jyldyq şyrşa merekesın ötkızdı.
Mümkındıgı şekteulı balalarǧa, köpbalaly jäne tūrmysy tömen otbasynyŋ balalaryna arnalǧan qaiyrymdylyq şaraǧa Astana qalasynyŋ Esıl audanyndaǧy mügedekter qoǧamy men Qyzyl Ai qoǧamy Astana qalalyq filialynyŋ ökılderı de qatysyp, mereke qarsaŋynda mügedek balalarǧa qoldau körsettı.
Qyrǧyz mädeni ortalyǧynyŋ töraǧasy, Qazaqstan halqy assambleiasynyŋ müşesı Ş.İsmailovtyŋ aituynşa, atalmyş şarany ūiymdastyrudaǧy basty maqsat – «Beibıtşılık jäne kelısım jol kartasy» jobasynyŋ aiasynda mümkındıgı şekteulı balaqailarǧa qaiyrymdylyq körsetu arqyly elımızdı mekendegen barlyq ūlttar arasyndaǧy bırlıktı saqtau, qoǧamdyq, etnika jäne mädeni kelısımdı, ūiymdar arasyndaǧy bailanysty damytu.
Şara barysynda Astanadaǧy mümkındıgı şekteulı 30 balaǧa jaŋa jyldyq qoiylymdar körsetılıp, ärtürlı syilyqtar tapsyryldy. Sondai-aq, olar tättıge toly dastarhannan däm tatty.
Mereke soŋynda balalar beibıtşılık jäne kelısım simvoly retınde eskertkış kıtapqa öz qoltaŋbalaryn qaldyrdy.
Gülbarşyn ÖKEŞQYZY