Astana qalasy mäslihatynyŋ kezekten tys, on jetınşı sessiiasyna elorda äkımı İmanǧali Tasmaǧambetov, qala äkımınıŋ orynbasarlary, audan äkımderı jäne qalalyq mekeme basşylary qatysty. Onda Astana qalasy mäslihatynyŋ 2012 jylǧy 6 jeltoqsandaǧy «Astana qalasynyŋ 2013-2015 jyldarǧa arnalǧan biudjetı turaly» şeşımıne özgerıster engızu turaly mäsele qarastyryldy.
Mūnyŋ basty sebebı Qazaqstan Respublikasynyŋ «2013-2015 jyldarǧa arnalǧan respublikalyq biudjetı turaly» Zaŋyna özgerıster men tolyqtyrular engızıluımen bailanysty bolyp otyr eken. Būl jönınde jinalǧandardy qalalyq Ekonomika jäne biudjettık josparlau basqarmasynyŋ basşysy Janat Nūrpeiısov mälım ettı. Osylaişa, Astana qalasynyŋ biudjetıne 30 mlrd 834 mln teŋge somasynda transfertter qosymşa qarastyrylyp, qarajatty qaita bölu jürgızılgen. Sondai-aq, biylǧy biudjettı naqtylau kezınde tabystar boiynşa jyldyq boljam ūlǧaityldy. Ol 8 mlrd 460 mln teŋgenı qūrady.
Qala biudjetın naqtylaudyŋ nätijesınde elordadaǧy balabaqşalar men densaulyq saqtau mekemelerınde kürdelı jöndeu jūmystaryn jürgızuge, syrqattarǧa ambulatoriialyq-emhanalyq kömek körsetuge, qant diabetımen auyratyn nauqastardy arnaiy därmektermen qamtamasyz etuge qosymşa qarajattar bölıngenın jetkıze kele, basqarma basşysy osyndai qarajattardyŋ bölınuı azamattardyŋ jekelegen sanattaryna äleumettık kömekke jäne mügedekterdı qoldaumen bırge Astanadaǧy Balalar psihonevrologiialyq internatyn ūstauǧa, zorlyqqa tap bolǧan adamdarǧa arnalǧan krizistık ortalyqty qūruǧa, sonymen bırge mädeniet mekemelerın ūstauǧa jäne mädeni-būqaralyq ıs-şaralarǧa, sportşylardy keşendı medisinalyq tekseruden ötkızuge septıgın tigızgenın baiandady. Qalamyzda tennis keşenın, tuberkulezge qarsy dispanser men audandyq äkımdıkterdıŋ ǧimarattaryn, on bes şaqty baqty saluǧa ärı rekonstruksiialauǧa, sondai-aq ekı mekteptıŋ qūrylysyn bastauǧa, konteinerler men konteinerlık alaŋ qūrylǧylaryn satyp aluǧa jäne «Biznestıŋ jol kartasy-2020» baǧdarlamasy şeŋberınde paiyzdyq mölşerlemenı subsidiialau üşın de qosymşa qarjy qajet bolatyn. Biudjettı naqtylaudyŋ arqasynda osynyŋ bärıne, sondai-aq qala aumaǧyn abattandyruǧa, tūrǧyn üi-kommunaldyq şaruaşylyq nysandaryn damytuǧa, avtojoldar men injenerlık jelıler saluǧa qarajat bölıngen.
Engızılgen özgerısterdı eskersek, Astana qalasynyŋ 2013 jylǧa naqtylanǧan biudjetınıŋ jalpy kölemı 296 mlrd 865 mln teŋgenı qūrady.
Gülbarşyn ÖKEŞQYZY
