Astana qalasynyŋ mäslihaty Almaty jäne Saryarqa audandary qūryluynyŋ 15 jyldyǧymen audan äkımdıkterı men atqaruşy organdaryn, käsıporyndary men ūiymdaryn jäne tūrǧyndaryn şyn jürekten qūttyqtai otyryp, qalamyzdyŋ äleumettık-ekonomikalyq damuyna qosqan ülesterı üşın şeksız alǧys bıldıredı.
Qazaqstan Respublikasynyŋ Prezidentı N.Ä.Nazarbaevtyŋ Astanany damytu maqsatyndaǧy tapsyrmalary negızınde arnaiy şaralar jüzege asyryluda, qala tūrǧyndarynyŋ äleumettık mäselelerınıŋ şeşıluıne, ekonomikalyq nätijelılık pen qarajat tūraqtylyǧynyŋ qamtamasyz etıluıne, infraqūrylymdy damytuyna jäne investisiialyq klimatty jaqsartuyna audandarda basa nazar audarylady.
Aldaǧy uaqytta da Astanamyzdyŋ damuyna jäne körkeiuıne baǧyttalǧan bastamalar men jaqsy qadamdardyŋ bastauşylary men qoldauşylary bolatyndyǧyŋyzǧa senımdımız.
Sansyzbai Esılov,
Astana qalasy mäslihatynyŋ hatşysy
Qymbatty Saryarqalyqtar!
Astana qalasynyŋ Saryarqa audany Qazaqstan Respublikasy Prezidentınıŋ Jarlyǧyna säikes 1998 jyldyŋ 6 mamyrynda qūrylǧan bolatyn.
Saryarqa audanynyŋ osy töl merekesımen audannyŋ tūrǧyndaryn jäne audanda ornalasqan mekemeler men käsıporyndardyŋ eŋbek ūjymdaryn şyn jürekten qūttyqtaimyz!
Memleketımızdıŋ ömırınde erekşe oryn alatyn bızdıŋ şyraily elordamyz Astana ekendıgı bärımızge mälım.
Astana kün saiyn ösıp jäne körkeiıp keledı. Elorda köşelerın aralai otyryp, onyŋ beinesınıŋ özgergenı, onyŋ respublikanyŋ ekonomikalyq, saiasi jäne äleumettık ömırınıŋ şynaiy ortalyǧyna qalai ainalǧanyn köre otyryp, būǧan Saryarqa audany tūrǧyndary men eŋbekkerlerınıŋ de maŋyzdy ülesı bar ekenın senımdılıkpen aita alamyz.
Osy künı barlyq saryarqalyqtarǧa zor densaulyq, aşyq aspan, otbasylaryŋyzǧa qūt-bereke, alǧa qoiǧan bastamalaryŋyzǧa tolaǧai tabystar, memleketımızdıŋ körkeiuı jolyndaǧy eŋbekterıŋızdıŋ jemıstı boluyna tılektespız.
Qūrmetpen,
Astana qalasy Saryarqa audanynyŋ
Ardagerler keŋesı
Qūrmettı Saryarqa audanynyŋ tūrǧyndary!
Sızderdı töl merekelerıŋız – Saryarqa audanynyŋ 15 jyldyǧymen şyn jürekten qūttyqtaimyz!
Astana – el maqtanyşy. Bız Astananyŋ qalyptasuynyŋ kuägerlerı jäne osy auqymdy zor jobany jüzege asyru mümkındıgın közben köru baqytyna ie bolyp kelemız. Al, Saryarqa audany elordanyŋ tarihi bır ajyramas bölıgı ekendıgı mälım. Mūnda öz audanyna erekşe süiıspenşılıkpen qaraityn elordanyŋ jäne audannyŋ baiyrǧy tūrǧyndary – basty bailyǧymyz, olar künbe-kün öz jūmystaryn atqara otyryp, Astananyŋ qalyptasuyna orasan zor üles qosuda.
Mereilı merekede Sızderge quanyş pen şattyq, denderıŋızge saulyq, otbasylaryŋyzǧa qūt-bereke tıleimın! Süiıktı qalamyz – aru Astana körkeie bersın!
Astana qalasy Saryarqa audanynyŋ
«Parasat» PİK assosiasiiasy
Qūrmettı Almaty audanynyŋ tūrǧyndary!
Barşaŋyzdy eŋselı elordamyzdyŋ eleulı audandarynyŋ bırı – Almaty audanynyŋ qūrylǧanyna 15 jyl toluymen şyn jürekten qūttyqtaimyn!
Bügınde säuletı men däuletı jarasqan elordamyzdyŋ damuyna özındık ülesın qosyp kele jatqan audanymyz aumaǧy jaǧynan da, halqy jaǧynan da bas qalamyzdyŋ ülken bölıgın alyp otyr. Astanamyzda ekı audan qūrylǧan 1998 jyldan bastap jüzdegen özgerıster bolyp, auysular men qarqyndy qūrylys, elorda damuynyŋ biık belesterın közben körıp, qol jetkızgen jetıstıkterıne kuä boldyq.
Almaty audanynyŋ ardagerler keŋesıne müşe bolyp, töraǧalyq etken uaqyttan audanymyzdaǧy aqsaqaldar men aq jaulyqty analarǧa körsetılıp jatqan ızet pen ıltipatqa kündelıktı riza bolyp, älı de elımız üşın aianbai qyzmet etuge daiynbyz dep aita alamyn. Audan tarapynan ūiymdastyrylatyn barlyq ıs-şaralar men jastardy tärbieleu baǧytyndaǧy jūmystarǧa bızdıŋ ardagerlerımız ben zeinetkerlerımız ynta salyp, belsendılık tanytady. Beibıt ömırde qyzmet jasap jatqan el azamattarynyŋ qatarynda bolyp, audan ömırındegı özımızdıŋ ornymyzdyŋ baryna, bız ärine quanyştymyz.
Astanamyz körkeiıp, audanymyz ajarlana bersın! Elımızdıŋ eldıgın qūrap, tatulyǧyn saqtap otyrǧan halqymyz ärqaşan aman bolsyn, aǧaiyn!
Sailaubek Baibolov,
Almaty audany Ardagerler keŋesınıŋ töraǧasy
Qūrmettı Almaty audanynyŋ tūrǧyndary!
Bügın Astana qalasy Almaty audanynyŋ tūrǧyny atanǧanymyzǧa 15 jyl tolyp otyr. Ärqaisymyz üşın erekşe kün bolǧan mereilı künımız qūtty bolsyn!
Almaty audany qūrylǧan künnen bastap eŋbegımızdı el üşın aianbai atqaryp, bügın de tūrǧyndar üşın qyzmet jasaudamyz. Audanymyzdyŋ PİK Assosiasiiasynyŋ töraiymy retınde atqarylyp jatqan eselı eŋbektı körıp, astanamyzdyŋ osyndai därejege, biık märtebege ie bolyp otyrǧanyna şyn jürekten quanyştymyn.
Kün saiyn boi köterıp jatqan jaŋa nysandar men tūrǧyndardyŋ jailylyǧy üşın aşylǧan saiabaqtar jyl saiyn köbeie tüsude, barşaŋyzdy audanymyzdyŋ körkı men tazalyǧyn saqtauǧa şaqyramyn.
Elordamyzdyŋ märtebesı ärqaşanda joǧary bolyp, elımızdıŋ tuy biık tūǧyrlardan körıne bersın!
Bahram Qūsaiynova,
Almaty audany PİK Assosiasiiasynyŋ töraiymy
