Erteŋ – äleumettık qorǧau jüiesı qyzmetkerlerınıŋ künı. Osyǧan orai, elordada sala mamandaryna arnalǧan merekelık ıs-şaralar ūiymdastyryluda. Jyl saiyn osy mereke künı halqymyzdyŋ äl-auqatyn arttyrudaǧy özındık ülesı bar äleumettık qorǧau jüiesı qyzmetkerlerıne tiısınşe köŋıl bölınıp, qūrmet körsetılıp keledı. Öz qyzmetterın jauapkerşılıkpen atqaryp jürgen 50 maman QR Eŋbek jäne halyqty äleumettık qorǧau ministrı men Astana qalasy äkımınıŋ Qūrmet gramotalarymen marapattaldy. Qazan aiynyŋ soŋǧy jeksenbısı – äleumettık qorǧau jüiesı qyzmetkerlerınıŋ künı. Osyǧan orai, Astanadaǧy akademiialyq filarmoniianyŋ ǧimaratynda atalmyş sala mamandaryna arnalǧan merekelık ıs-şara ūiymdastyryldy.
Jyl saiyn osy mereke künı halqymyzdyŋ äl-auqatyn arttyrudaǧy özındık ülesı bar äleumettık qorǧau jüiesı qyzmetkerlerıne tiısınşe köŋıl bölınıp, qūrmet körsetılıp keledı. Saltanatty jiyn barysynda elorda äkımınıŋ orynbasary Erlan Bekmūrzaev öz qyzmetın jauapkerşılıkpen atqaryp jürgen osyndai 50 jandy Qazaqstan Respublikasynyŋ Eŋbek jäne halyqty äleumettık qorǧau ministrı Tamara Düisenova men Astana qalasynyŋ äkımı Altai Kölgınovtıŋ atynan qūrmet gramotalarymen marapattady.
– Äleumettık qorǧau jüiesı qyzmetkerlerınıŋ kündelıktı eŋbegı – memlekettıŋ öz azamattaryna qamqorlyǧynyŋ körsetkışı. Mūndai merekenı atap ötudegı basty maqsat, osy saladaǧy jūmystyŋ qiyndyǧyna qaramastan, qajyrly eŋbek etıp jürgen jandarǧa şynaiy qūrmet körsetu ekenı anyq. Osynau jaqsy dästür bärımızdı ainalamyzdaǧylarǧa janaşyrlyq tanytyp, qamqorlyqqa zäru jandardy ünemı qoldap jüruge ündeidı. Barşaŋyzdy osynau tamaşa merekemen qūttyqtaimyn! – dedı E.Bekmūrzaev.
Astana qalasy Jūmyspen qamtu jäne halyqty äleumettık qorǧau basqarmasynyŋ basşysy İlia Skub bügıngı taŋda būl salada atqarylyp jatqan jūmystarǧa toqtaldy. Basqarma basşysynyŋ mälımdeuınşe, qazırgı uaqytta Astanada äleumettık qorǧau jüiesı salasynda barlyǧy 1300-ge juyq maman jūmys ısteidı. Olar kün saiyn elordada tūratyn jalǧyzılıktı 1000 zeinetker men erekşe qajettılıkterı bar 3000 balaǧa äleumettık kömek körsetedı.
– Elordada 8 arnaiy äleumettık qyzmet körsetu ortalyǧy jūmys ısteidı, onda qyzmet aluşylarǧa arnauly äleumettık-tūrmystyq, medisinalyq, psihologiialyq, pedagogikalyq, eŋbek, mädeni, ekonomikalyq jäne qūqyqtyq qyzmet körsetedı. Jalpy atalmyş sala qyzmetkerlerınıŋ jūmysy erekşe şydamdylyqty qajet etedı. Sondyqtan bız būl şarany äleumettık qorǧau jüiesınıŋ qyzmetkerlerın marapattau üşın arnaiy ūiymdastyrdyq. Ärine, olarǧa qyzmet aluşylardyŋ alǧysynan asqan marapat joq, bıraq osy bır qiyn da asa maŋyzdy salada eŋbek etıp kele jatqan jandarǧa memleket tarapynan alǧys bıldırgımız keledı. Denderıŋızge saulyq, otbasylaryŋyzǧa amandyq, baqyt, bırlık tıleimın, – dedı İ.Skub.
Otandastarymyzdy Oŋtüstık Koreia, Resei, Täjıkstan jäne Özbekstannan kelgen äleumettık qorǧau salasynyŋ ökılderı qūttyqtady.
«Men äleumettık qorǧau salasynda 15 jyldan astam uaqyttan berı jūmys ıstep kelemın. Memleket eŋbegımızdı jyl saiyn atap ötetını – men üşın ülken quanyş. Bız öz jūmysymyz üşın marapattar men maqtaular kütpeimız, bıraq qyzmet aluşylardan ǧana emes, tūtas qoǧam atynan rizaşylyq pen alǧys alǧan kezde, söz joq, şabyttanyp, odan ärı nätijelı jūmys ıstei beremız» dedı «Ümıt» daǧdarys ortalyǧy» KMM qyzmetkerı Altyn Erubaeva.
Äleumettık sala – elımızdegı eŋ özektı baǧyttyŋ bırı. Bügıngı taŋda qoǧamda bolyp jatqan oqiǧalardyŋ denı osy əleumettık məsele töŋıregınde tuyndap jatatyny da şyndyq. Əsırese «əleumettık» ūǧymymen qorǧau, kömek, qyzmet, oŋaltu, ortaǧa əser etu, qamsyzdandyru, panalau orny, diagnoz, qoldau, pedagogika, qyzmetker sekıldı qatarlas qoldanylatyn tırkester qūlaǧymyzǧa sıŋıstı bolyp kettı. Desek te būlardyŋ bərınıŋ astarynda qoǧam ömırınde bolyp jatqan məselelerge atüstı qaramai, memleketımızdıŋ ərbır kömekke zəru jandaryna qol ūşyn sozu jatyr. Būl rette osyndai közge körıne bermeitın, bıraq qiyndyǧy köp jūmysty eŋserıp jürgen äleumettık sala mamandarynyŋ eŋbegı erekşe.
