Byltyrdan berı qūlaǧaly tūrǧan üilerdıŋ tūrǧyndary jaŋa qonysqa köşıp, köŋılderı bır marqaiyp qalǧan edı. Biyl da «Qoljetımdı baspana – 2020» baǧdarlamasyna engızılgen apatty üilerdı būzu jönındegı qanatqaqty joba jalǧasyn tabatyn bolady.
Jalpy Astananyŋ qalyptasu jyldarynda barlyǧy 12 mln şarşy metr tūrǧyn üi salynyp, paidalanuǧa berılgen eken. Üidı jeke qarjysyna satyp alǧandardy eseptemegende, memlekettık qoldaumen jüzege asyrylǧan baǧdarlamalar şeŋberınde 110 myŋ otbasy menşıktı baspanaly bolǧan. Jyl saiyn qalada bır million şarşy metrden astam tūrǧyn üi qūrylysy paidalanuǧa berılse, byltyr būl körsetkış 1 mln 100 myŋ şarşy metrge jetken.
«Qoljetımdı tūrǧyn üi – 2020» baǧdarlamasynyŋ basym baǧyty bolyp tabylatyn apatty jaǧdaidaǧy üilerdı sürıp tastau jobasynyŋ qala üşın köptegen paidasy bar. Eŋ aldymen, būl – tūrǧyndarǧa tiımdı. Bügınge deiın el auzynda «Jukovka» dep atalyp ketken aumaqtyŋ tūrǧyndary salynǧanyna jarty ǧasyrdan asqan eskı üilerde «qaşan qūlaidy eken» degen üreimen tırşılık etıp jatqan-dy. Baǧdarlama qabyldaǧaly osy mekennıŋ tūrǧyndary su jaŋa üilerge ie boldy.
Ekınşı, pilottyq jobaǧa bölıngen memlekettıŋ aqşasy qaitarymdy. Baǧdarlama boiynşa qūrylystardy tūrǧyzatyn «Elorda damu» JŞS tūrǧyndardy qamtyǧannan qalǧan üilerdı satyp, memleketten alǧan qaryzyn qaitarady. Ärı kommersiialyq tūrǧyn üidı satudan tüsken qarajat qaita investisiialanyp, qūrylys industriiasyn damytuǧa yqpal etedı. Mūndai özın-özı aqtaityn qarajatqa bola jergılıktı biudjet te şyǧyndalyp äure bolmaidy.
Sondai-aq, pilottyq jobany ıske asyru aiasynda qalanyŋ säulettık körınısı de aişyqtala tüsetını aitpasaq ta belgılı.
Sonymen, pilottyq joba aiasynda byltyr qūlaǧaly tūrǧan 11 üidıŋ 139 otbasy qonys toiyn toilasa, biyl baspana alu baqytyna apatty jaǧdaidaǧy 31 üidıŋ tūrǧyndary qol jetkızedı. Al 2016 jylǧa deiın 3 myŋ otbasy jaŋa qonysqa köşedı degen jospar bar. Atalǧan baǧdarlama aiasynda 2017 jylǧa deiın 228 apatty jaǧdaidaǧy üi sürılıp, tūrǧyndary jaŋa üilerge jaiǧastyrylatyn bolady.
Elımızde tūŋǧyş ret jüzege asyrylyp otyrǧan joba bızge Ankaradan kelgen. Anadoly elınde sätımen jüzege asyrylyp, talai adamdy baspanamen qamtamasyz etken jobanyŋ paidasyn endı astanalyqtar da körıp jatyr. Aldaǧy uaqytta pilottyq joba küllı Qazaqstan aumaǧyn qamtymaq.
