Äleumet

QANATYMEN SU SEPKEN QARLYǦAŞTAI

baiterek

2008 jyly Astana qalasy äkımdıgınıŋ bastamasymen «Bäiterek» qaiyrymdylyq qory qūrylǧan bolatyn. Şotqa qarjy qala äkımdıgınıŋ mūryndyq boluymen ūiymdastyrǧan qaiyrymdylyq aksiialarynan tüsedı. Qazır osy qarajat mümkındıgı şekteulı mūqtaj balalardyŋ emdeluıne jūmsaluda.

Aksiia ötkızılgen jyldary (2009-2013 jyldardy qosa eseptegende) 96 bala jalpy mölşerı 103 500 000 teŋgenıŋ aqşalai sertifikatyn alyp, barlyq balalarǧa el ışınde de, odan tysqary (Qytai, Resei, İzrail, Germaniia, taǧy basqa memleketterde) jerlerde joǧary bılıktı medisinalyq kömek körsetıldı.

Odan ärı balalardyŋ densaulyq jaǧdailary jaqsaryp, em-dom äser etkenı baiqalady. Mäselen, Kseniia Kapinostyŋ közı naşar köretın edı, Novosıbır qalasynda ota jasalǧannan keiın köru qabıletı edäuır jaqsarǧan. Al, Aigül Atabaeva özdıgınen tamaq ışe almaityn edı. Jaq süiegıne plastina ornatqannan keiın jaǧdaiy bırşama tüzeldı.

Danial Qasymovtyŋ jaǧdaiy tıpten auyr boldy. Özdıgınen qozǧala almaityn. Köru jüikesı de auyr dertke ūşyraǧan bolatyn. Qytaiǧa baryp ota jasalyp, aiaǧynan tık tūrdy. Qazır Danial özdıgınen qadam jasai alatyn därejege jettı. Osyǧan ūqsas ota Germaniiada Mälika Düisebekovaǧa da jasaldy. Aksiianyŋ arqasynda ömırge degen qūştarlyqtary oianǧan mūndai mysaldardy köptep keltıruge bolady.

Ärbır aksiia saiyn emdelgısı keletın nemese oŋaltu kezeŋınen ötuge tılek bıldıruşıler sany artyp keledı.

Bügıngı künı kezektı aksiiada qarau üşın jalpy mölşerı 41 935 000 teŋgege otyz tört ötınış tüstı.

Aksiianyŋ qorytyndysy Astana künınen keiın şyǧarylady. Sondyqtan, ärbır qala tūrǧyny men elorda qonaǧy merekelık ıs-şaraǧa bilet satyp alyp, qanatymen su sepken qarlyǧaştai qaiyrymdylyq şarasyna öz ülesın qosyp, nauqas balalardyŋ sauyǧyp ketuıne septese alady.

Saǧi ORAL

 

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button