Qala tırşılıgı

Qariialar kememen qydyrdy

Astanalyq bır top zeinetker kemege mınıp, Esıl özenı boiymen seruendedı. «Nūr Otan» partiiasy janyndaǧy «Jas Otan» jas­tar qanaty el Täuelsızdıgınıŋ 25 jyldyǧy qar­saŋynda eŋbek arda­gerlerıne osyndai keremet köŋıl-küi syilady.

010

Kenesary eskertkışınıŋ tūsynan attanǧan «Esıl» kemesıne eluge juyq zeinetker mındı. Bärı balaşa mäz. Keibırı nemerelerın ertıp alǧan. Bır quantarlyǧy, «Ardagerlerdı ardaqtaiyq!» jobasy aiasynda mūndai şarany ötkızu jyldaǧy dästürge ainalyp keledı.
Qoǧamda qart adamdarǧa qamqorlyq tanyta bılu – igı ıstıŋ bırı. Būl rette «Jas Otan» jas­tar qanaty elordalyq qarttarǧa kömek qolyn sozyp keledı. Mereke saiyn üilerıne baryp qūttyqtap, kömektesedı. Tegın konsertter ūiymdastyrady. Mıne, bügın seruenge alyp şyqtyq. Qazynaly qarttarymyz Esıl özenı üstınde 40 minut boiy qalanyŋ sūlulyǧyn tamaşalaumen boldy. Aldaǧy uaqytta qarttar üiınıŋ ardagerlerın de qydyrtu oiymyzda bar, – deidı ıs-şarany ūiymdastyruşy Baqdäulet Jandıldaev.

011
Aqorda ǧimaratyna deiın baryp, kerı qaitqan qariialar qalanyŋ sūlulyǧyna tamsanumen boldy. Özın Jämila Bekbaeva dep tanystyrǧan äjei mūndai şara jastardy adamgerşılıkke baulyp qana qoimai, aǧa ūrpaqqa qūrmetpen qaraudy üiretedı deidı.

Gülmira ŞARHANQYZY

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button