ÄleumetJaŋalyqtar

Qariialar quanyp qaldy

ZAH_8825

Astana qalasy Jūmyspen qamtu jäne äleumettık baǧdarlamalar basqarmasynyŋ bastamasymen Qarttar men mügedekterge arnalǧan medisinalyq-äleumettık mekemenıŋ ūjymy Nauryz merekesın atap öttı. Saltanatty şarada mekeme direktory Kenjebolat Bapişev söz söilep, qariialar men mümkındıgı şekteulı jandardy Ūlystyŋ ūly künımen qūttyqtady.

«Elbasy Nūrsūltan Nazarbaev tuǧan halqyn bügınde örleu men örkendeuge bastady. Onyŋ sarabdal saiasaty bızdı älemge tanytyp, damyǧan memlekettermen terezemızdı teŋ ettı. Al «Mäŋgılık el» ideiasy älı Qazaqstandy alpauyt otyz eldıŋ qataryna qosatynyna senımımız zor. Prezident qariialardy da nazarynan tys qaldyrǧan emes. Ünemı qoldau körsetıp, qoşemettep jüretınıne özımız kuämız. Bızdıŋ aramyzda Ūly Otan soǧysynyŋ ardagerlerı men tyl eŋbekkerlerı jäne olarǧa teŋestırılgen qarttar da barşylyq. Jeŋıstıŋ jetpıs jyldyq mereito­iyna orai taǧy da memleket qūrmetı jalǧasuda», – degen Kenjebolat Bapişev otyz şaqty mekeme tūrǧynynyŋ keudesıne merekelık medal taǧyp, gül şoqtaryn tabys ettı.

Ortalyqtaǧy300-den astam qariia men mügedek jandarǧa 217 adam qyz­met körsetedı. Tūrǧyndardyŋ köp­şılıgı jarymjan, qart bolǧanymen, barlyǧy da qoǧamdyq jūmystarǧa belsene aralasady. Äz-Nauryz merekesın atap ötuge de ärkım öz ülesın qosyp baqty. Tūrǧyndardyŋ şiraqtyǧy, jaǧdailarynyŋ jaqsy bolǧandyǧy şyǧar, Ūlystyŋ ūly künın toilaudy mūnda dästürge ainaldyrǧan.

Keş önerlı qarttar men mügedek­terdıŋ än-jyrymen jalǧasyn tapty. Ūlttyq kiımder kiıp, körınıs qoiǧan olar tarihqa tereŋ boilady. Abylai han auyly men Qasym han auyly bolyp, salt-dästürımızdıŋ taǧylymdaryn aişyqtady. Aǧaş egu, būlaq közın aşu syndy ǧibratty ısterdı nasihattady.

Ashat RAIQŪL

Taǧyda

Ūqsas jaŋalyqtar

Pıkır üsteu

Back to top button