Astana basşylyǧynyŋ elorda künı qarsaŋynda mekemelerdıŋ jūmysyna baǧa berıp, üzdıgın anyqtaityny bar. Dästürden jaŋylmai biyl da jalǧasyn tapty būl ürdıs. Elorda äkımı İmanǧali Tasmaǧambetov qala aktivınıŋ aldynda merekeden merekege deiın berekelı jūmys ıstegen mekemelerdıŋ ışınen eŋ üzdıgın anyqtap, saltanatty jaǧdaida qūttyqtady.
– Astana künı – bar qazaqtyŋ ortaq merekesı. Desek te, qalanyŋ suyǧyna toŋyp, ystyǧyna küiıp, kündelıktı küibeŋ tırşılıgıne aralasyp jürgen sızder üşın būl meiramnyŋ orny da, oraiy da bölek. Sebebı, sızder eselı elordanyŋ eŋsesınıŋ köterıluıne, HHI ǧasyrdyŋ şaharyna ainaluyna maŋdai terın tögıp jürgen azamattardyŋ bırısızder, – dedı Astana äkımı İmanǧali Tasmaǧambetov qala aktivın qūttyqtau kezınde.
Qalalyq mekemeler men käsıporyndardyŋ jyl on ekı ai ıstegen jūmysyna baǧa berıp, köp ışınen bırlı-ekısın ǧana «üzdık» dep tanu oŋai şarua emes. Sebebı, elordanyŋ qai mekemesın alsaq ta jüielı jūmys ıstep jatyr. «İlegenderı – bır terınıŋ pūşpaǧy». Elbasy men eldıŋ elordany damytu maqsatynda alǧa qoiyp otyrǧan mındetterı men tapsyrmalaryn mültıksız oryndau.
Jalpy, üzdık memlekettık mekeme men käsıporynnyŋ jūmysy 10 negızgı ölşem boiynşa baǧalandy. Ol damu josparynan bastalyp, biudjettık qarajattyŋ igerıluımen aiaqtalady. Eŋ bastysy, jūmystyŋ sapaly nätijesıne basa män berıldı. Būǧan qosa, qala basşylyǧy myqtylardy anyqtauda tūrǧyndar pıkırıne de qūlaq asty. Astana qalasynyŋ resmi saityna kırıp, qalalyqtar qalaǧan mekemege öz dauysyn berdı. Oǧan qosa, äkımdık saityna elordalyqtardan kelıp tüsetın ötınış hattar da nazarǧa alyndy. Sonymen, üzdıkterge kelsek, käsıporyndardyŋ ışınen «Astana-Tazalyq» JŞS men «Astana-Kögaldandyruqūrylysy» AQ ūjymy üzdık atandy. Kündız-tünı bır tynbai, şahar tazalyǧy üşın eŋbek etıp jürgen mekemeler būl marapat-madaqqa laiyq. Bas qalanyŋ köşelerın sap tüzegen sarbazdaiaǧaştary men ūzatylatyn qyzdyŋ jasauyndai qyzyldy-jasyldy gülderın kütıp-baptaumen ainalysatyn baǧbandardyŋ būl jeŋısı – eŋbegınıŋ jemısı. Tek biyldyŋ özınde «Astana-Kögaldandyruqūrylysy» AQ qala aumaǧynda 40 myŋ aǧaş otyrǧyzudy dıttep otyr. Būǧan qosa, 8 million tüpten astam gül egıldı.
Biylǧy baiqau bırneşe özgerısterge toly boldy. Ädette, «üzdık» atau tek bır ǧana mekemege berıletın. Biyl bırden üş memlekettık organ jeŋımpaz atandy. Olar – Turizm, dene şynyqtyru jäne sport basqarmasy, Ekonomika jäne biudjettık josparlau basqarmasy men Işkı saiasat basqarmasy.
– Biylǧy Prezident Äkımşılıgınıŋ bergen baǧasy boiynşa Astana tūŋǧyş ret strategiialyq josparlaudan respublikada bırınşı körsetkışke qol jetkızdı. Būl – Ekonomika jäne biudjettık josparlau basqarmasynyŋ jetıstıgı. Damu baǧdarlamasynyŋ nätijelı oryndaluy dūrys josparlauǧa bailanysty. Bızdıŋ barlyq praktikalyq jūmysymyz osy basqarmada bastalady. Sondyqtan bızdıŋ jūmystyŋ nätijelıgı olardyŋ käsıbi deŋgeiıne, ekonomikalyq perspektivany qanşalyqty köre alatyndyǧyna täueldı, – dedı äkım.
Turizm, dene şynyqtyru jäne sport basqarmasy onlain-dauys beru nätijesınde eŋ köp dauys jinaǧan. Ärı 2011 jylǧy biudjettı 100 paiyzǧa igerıp, tabysty nätijege qol jetkızdı. Aitqandai-aq, bızdegı jaŋa sport nysandarynyŋ sanynda şek joq. Ötken jyly basqarma 43 halyqaralyq ıs-şara ötkızdı. Biyl Londondaǧy Olimpiada oiyndarynda el namysyn qorǧaityn jerlesterımızdıŋ arasynda 15 sportşydan qūralǧan Astana komandasy bar. Būl – respublika boiynşa ekınşı körsetkış.
Kezek Işkı saiasat basqarmasyna kelgende äkım: «Qazırgı taŋda äkımdıkter kündelıktı şaruaşylyq qyzmetterınen basqa ideologiialyq, tüsındıruşılık jäne aqparattyq jūmystarǧa köp köŋıl böledı. Jastar saiasaty da – öte özektı taqyryp. Ötken jyly basqarma köptegen maŋyzdy, ırı ıs-şaralar ötkızdı, mekeme ūjymy oǧan eleulı üles qosty. Işkı saiasat basqarmasynyŋ jūmysy – bolaşaqqa investisiia, onyŋ nätijelerın 10-15 jyldan keiın köruge bolady. Bızdıŋ qoǧamnyŋ, memlekettıŋ bolaşaǧy eldıŋ strategiialyq damu mındetterıne säikes basqarma qanşalyqty öz jūmysyna jauapty qaraitynyna bailanysty» dedı.
Baiqaudyŋ taǧy bır jaŋalyǧyna kelsek, biyl ≪üzdık audan≫ atalymy bolmady. Būl rette äkım audan äkımdıkterınıŋ atqaryp jatqan jūmystary köp ekenın, sol siiaqty oryndaluǧa tiıstı şaruanyŋ da şaş-etekten ekenın aitty.
Ainūr ŞOŞAEVA
