Halyqaralyq qarttar künı qariialardyŋ köŋılın serpıltken şaralar qataryna «Jastar» saraiynda ötken konserttı de qosuǧa bolady.
Būl künı qarttardyŋ aldynda halyqaralyq jäne respublikalyq baiqaulardyŋ laureattary, IIM ışkı äskerlerınıŋ än-bi ansamblı, jaŋadan tanylyp kele jatqan jas änşıler, «Nomad» tobynyŋ bişı baldyrǧandary öner körsettı. Konserttık baǧdarlamaǧa qariialardyŋ özderınıŋ de muzykalyq nömırlerı engızılıp, «Şaŋyraq» aq äjeler hory, «Veteran» jäne astanalyq Eŋbek ardagerlerı horlary «Bipyl», «Jaidarman» sekıldı qazaq jäne orys halyq änderın de aityp, bır serpılıp aldy.
Äsırese, Janar Ädılbekova şyrqaǧan «Şaşylaiyn şūǧylaŋ bolyp, Şyrqa köŋıl bügın än bolyp. Aman-esen jürseŋder eken, Bet tüzeitın qūbylam bolyp» degen än joldary tek ata-anaǧa ǧana emes, zalda otyrǧan barlyq qariialarǧa arnalǧandai estıldı.
Sahnaǧa Mūqaǧali atty änşı şyǧa kelgende aldymyzǧa aqiyq aqyn tırılıp kelgendei äser ettı. Ataqty attasyndykındei qairatty, qalyŋ qara şaş ösırgen būl önerpaz qarttarǧa jastyq şaqtaryn saǧyndyrtyp, qyrǧyz kompozitory Tügelbai Qazaqovtyŋ «Jaŋbyr töktu» änıne saldy. «Kök türıkter» halyq aspaptar ansamblı türkılık sarynnyŋ qandai bolatynyn körsetıp berdı.
Qarttardy merekemen qalalyq Ardagerler keŋesınıŋ töraǧasy Amangeldı Syzdyqov qūttyqtap: «Ötken jyldardaǧy eŋbekterıŋızdıŋ jemısın körıp, nemere-şöberelerıŋızdı tärbielep, aman jürıŋızder. Qaisylaryŋyzdyŋ bolsyn memleketımızdıŋ keşegısıne de, bügıngısıne de, bolaşaǧyna da qosqan ülesterıŋız zor. Sondyqtan, memleketımız sızderge riza şyǧar dep oilaimyn. Denderıŋız sau bolsyn, qartaimaŋyzdar, aramyzda jürıp, elımızdıŋ körkeigenın köre berıŋızder!» dep ızgı lebızın bıldırdı.
Amanǧali ŞMİTŪLY
