Qazaqstan halqy Assambleiasynyŋ qory Astana qalasynyŋ Qarttar men mügedekterge arnalǧan medisinalyq-äleumettık mekemesınde «Şyn jürekten» atty qaiyrymdylyq aksiiasyn ötkızdı. Täuelsızdıktıŋ 25 jyldyǧyna orai ūiymdastyrylǧan şaraǧa qariialar, Ūly Otan soǧysynyŋ ardagerlerı, mümkındıgı şekteulı jandar jäne önerpaz jastar qatysty.
– Bügın osyndai jaimaşuaq künı ata-äjelerdıŋ köŋılın kötermek nietpen şaǧyn toi jasap bermekşı boldyq. Qazaqtyŋ bauyrsaǧyn, özbektıŋ palauyn pısırıp, orystyŋ samaurynyn qainattyq. Būl üide 16 türlı ūlt ökılı tūrady eken. Olardyŋ da bır auyq än-küi tyŋdap, jastarmen aralasqysy keledı ǧoi. Assambleia janyndaǧy «Jarasym» jastar qanatynyŋ, Euraziia ūlttyq universitetınıŋ, Qazaq ūlttyq öner universitetınıŋ baianşy, saksofonşy, dombyraşylaryn jiyp, alyp keldık, – dedı atalmyş qor jetekşısı Talǧat Balpyşev. Köŋıldı duman barysynda Mäjılıs deputattary Narine Mikaleian, Snejanna İmaşeva, Şakir Hahazov ta söz söilep, aq tılegın jetkızdı.
