Astana äkımınıŋ orynbasary Andrei Lukin Qazan qalasy merınıŋ orynbasary İvan Kuznesov bastaǧan tatarstandyq delegasiia ökılderımen kezdestı.
Jüzdesu üstınde Andrei İvanovich tamyry tereŋnen tartylǧan tübı bır qazaq, tatar halyqtarynyŋ qarym-qatynasy turaly äŋgımeledı.
2004 jyly Astana jäne Qazan qalalary arasynda Bauyrlastyq jäne serıktestık bailanys turaly memorandumǧa qol qoiylǧannan keiın ekı eldıŋ astanasy arasyndaǧy yntymaqtastyq küşeie tüsken. Polimer önımderın şyǧaru, kauchuk, şina jasau jaǧynan öndırısı ozyp tūrǧan Tatarstannyŋ bügıngı ekonomikalyq ösu qarqynynan habardar ekenın aŋǧartqan Astana äkımınıŋ orynbasary jalpy Qazannyŋ Reseidıŋ IJÖ-nıŋ 0,4 paiyzyn qūrauy ülken körsetkış ekenın atap öttı. Tarihy bai tatar elı astanasynyŋ mädeni tūrǧyda damuy da tuystas Qazaq elın quantatynyn mälımdedı.
Būdan soŋ Astana äkımınıŋ orynbasary elordanyŋ damu barysy turaly söz qozǧady. Astana märtebesın alǧaly būl qalanyŋ aumaǧy 3 ese keŋeiıp, halqy da qarqyndy ösu körsetkışıne ie bolǧanyna toqtaldy. Statistika boiynşa, ärbır besınşı tūrǧyny orta jäne şaǧyn biznespen ainalysatyn qalada ekonomikalyq ösu de, qūrylys jaǧy da toqtausyz alǧa basyp kele jatqanyn, Astana qazaqstandyq biudjet donorlyǧynda alǧaşqy törttıkke kıretının aitty.
Öz kezegınde ūşaqtan tüskennen qazaqtyŋ qonaqjailylyǧyna täntı bolǧanyn jasyrmaǧan märtebelı meiman elordamyzǧa 2011 jyly qysqy Aziia oiyndary aldynda kelgen eken. Äitse de, kün saiyn tülep, örkendep otyrǧan şahardyŋ damu dinamikasy süisındıretının bıldırdı.
Myŋ jyldyq tarihy bar, jyl saiyn milliondap turisterdı qabyldaityn Qazannyŋ jastar qalasy ekenın de mälımdedı. Tarihy bai, tarihi-mädeni jädıgerlerı közdıŋ qaraşyǧyndai saqtalyp kele jatqan qalanyŋ aldynda tūrǧan maqsaty da az emes. Būl oraida, Qazan merınıŋ orynbasary İvan Kuznesov Evraziiadaǧy jas ta bolsa abyroiy asqaq qala – Astanadan üirenetın ürdıster barşylyq ekenın jetkızdı.
Kezdesu barysynda qonaqtar astanalyq ärıptesterın 2015 jylǧy 24 şılde men 9 tamyz aralyǧynda Qazan qalasynda ötetın Su sporty türlerınen älem chempionaty men Euraziia Jergılıktı bilık kongresıne şaqyrdy. Sonymen bırge, Euraziialyq integrasiiany tereŋdetu tūrǧysynda tıze qosyp tırlık etuge ündedı. Būl tūrǧyda, Qazan asa müddelılık tanytyp otyrǧanyn mälımdegen İvan Kuznesov bükılälemdık ūiymdarda qazırgı taŋda Tatarstannyŋ bas qalasy da aitarlyqtai maŋyzdy rölge ie bolyp kele jatqanyn aitudy da ūmytpady.
Ekıjaqty kezdesudıŋ soŋynda Astana äkımınıŋ orynbasary Andrei Lukin «Qalalar men jergılıktı bilık bırlestıgı» bükılälemdık ūiymynyŋ teŋ prezidentı, Euraziialyq bölımınıŋ prezidentı Qazan merı İlsur Metşinnıŋ atyna jazylǧan atalǧan ūiymǧa müşe bolu turaly Astana äkımınıŋ qoly qoiylǧan ötınıştı tabystady.
Näzira SAILAUQYZY
