Qazaqstan qūramasynyŋ qorjyny 2 altyn, bır kümıs jüldemen tolyqty
Rio-de-Janeiroda ötıp jatqan Olimpiada oiyndarynyŋ 5-ınşı künınde Qazaqstan qūramasynyŋ qorjyny ekı altyn, bır kümıs jüldemen tolyqty.
Auyr atletikadan 69 kelıge deiıngı salmaqta el namysyn qorǧaǧan Jäzira Japparqūl qos saiys qorytyndysy boiynşa 259 kelı salmaqty baǧyndyryp kümıs jülde jeŋıp aldy. Qytailyq Sian Iаnmei altyn alsa, qola jüldenı mysyrlyq Sara Ahmed oljalady.
Erler arasynda 77 kelıge deiıngı salmaqta qazaqstandyq Nijat Rahimov saiys qorytyndysy boiynşa 379 kelımen älem rekordyn jaŋartyp Olimpiada chempiony atandy. Qytailyq Liu Siaosziun kümıs, al mysyrlyq Mohammed Mahmud qola medal jeŋıp aldy.
200 metrge brass ädısımen jüzu saiysynda qazaqstandyq Dmitrii Balandin üzdık uaqyt körsetıp, Olimpiada chempiony atandy. Dmitrii Balandin – suda jüzu sportynan Olimpiada chempiony atanǧan tūŋǧyş qazaqstandyq sportşy.
Bokstan 48 kelıde el namysyn qorǧaǧan Bırjan Jaqypov şirek finalda özbekstandyq boksşy Hasonboi Dusmatovqa ūtylyp, jarysty aiaqtady.
Jalpy esepte Qazaqstan qūramasy 2 altyn, 2 kümıs, 3 qola jüldemen äzırge11-orynda tūr.