Jaŋalyqtar

Qoǧam tärtıbı baqylauda

Keşe Astana qalasy mäs­li­ha­tynyŋ altynşy şaqy­ry­ly­mynda sessiia qarauyna engı­zılgen mäselenıŋ bırı – qūqyq qorǧau qyzmetı. Deputattar Astana qalasy Işkı ıster departamentınıŋ jergılıktı polisiia qyzmetınıŋ basşysy Baqytjan Malybaevtyŋ esebın tyŋdady.

08-1

Bügınde jergılıktı polisiia qyzmetınde 1500-den astam qyzmetker jūmys ısteidı. Qala äkımdıgımen tyǧyz jūmys ısteitın olar qūqyqbūzuşylyqty boldyrmau, qoǧamdyq tärtıptı saqtau, jol qauıpsızdıgı erejesın baqylau, qylmystyq jäne äkımşılık qūqyqbūzuşylyqtyŋ aldyn alumen ainalysady.
Jergılıktı polisiia basşysy öz sözınde qala äkımdıgınıŋ qoldauymen materialdyq-tehnikalyq baza jaqsaryp kele jatqanyn aitty. Mäselen, jergılıktı atqaruşy organmen bırlese 340-qa juyq beinetırkegış paidalanuǧa berılgen. Jyl basynan berı onyŋ kömegımen 1000-nan astam adam jauapqa tartylǧan. Būdan bölek joldaǧy qūqyqbūzuşylyqty tömendetuge de edäuır septıgı tigen. Joldaǧy apat, kısı ölımı men jaraqat alu sany säl bolsa da azaiǧan. Sonymen qatar, biyl jol poliseilerı 1020 jürgızuşını ūstaǧan. 795 adam jürgızuşı kuälıgınen aiyrylsa, 92 adam äkımşılık qamauǧa alynypty.
Baqytjan Malybaev, būǧan qosa qalada 1865 adamnyŋ arnaiy esepke alynǧanyn aitty. Olardyŋ ışınde būryn sotty bolǧandar – 500, araqqa salynǧandar – 700, naşaqorlar – 382, jüike jüiesımen auyratyndar – 264 jäne kämeletke tolmaǧan 266 bala tızımde tūr.
Sessiia barysynda, salaǧa qatysty mäselelerge keŋınen köŋıl bölındı. Nöldık tözımdılık, halyqty aqparattandyru jūmystary, aldyn alu aksiialary, tūrǧyndarǧa esep beru jiyndary turaly söz qozǧady. Sonymen qatar jergılıktı polisiia basşysy salaǧa qatysty, sonyŋ ışınde azamattardy tırkeu mäselesıne deputattardyŋ nazaryn audartty.

Gülmira ŞARHANQYZY

Taǧyda

Ūqsas jaŋalyqtar

Pıkır üsteu

Back to top button