Astana qalasynyŋ qoǧamdyq keŋesı atqaruşy organdardyŋ qoǧamdyq kölıktıŋ jūmysyn jaqsartu, köşe-jol jelısın jäne tūraq infraqūrylymy obektılerın damytu jönındegı jūmysy boiynşa qoǧamdyq tyŋdalym ötkızdı.
Basqarma basşylary elordadaǧy jolauşylar tasymalyn jaqsartu, avtobustar men qalalyq taksilerdıŋ jūmysy, jol jüru aqysyn töleudıŋ elektrondyq jüiesın engızu, oryntūraq infraqūrylymyn damytu, aqyly oryntūraqtar engızu, bır baǧytty qozǧalysty ūiymdastyru, qalalyq köşe-jol jelısın damytu siiaqty maŋyzdy mäseleler boiynşa baiandama jasap, jinalǧan köpşılıktıŋ sūraqtaryna jauap berdı.
Qaladaǧy qoǧamdyq kölıktıŋ damu perspektivasyna şolu jasaǧan Astana qalasy äkımınıŋ bırınşı orynbasary Sergei Horoşun aldaǧy uaqytta osy qyzmettı paidalanatyn tūrǧyndar sanynyŋ ülesın 33 paiyzdan 45 paiyzǧa arttyrudy közdep otyrǧanyn jetkızdı. Qazırgı ahualdy saraptai kele, bırqatar elderdıŋ täjıribesı men qoǧamdyq kölıktı paidalanu körsetkışıne toqtaldy. Venada qoǧamdyq kölık qyzmetın paidalanuşylar – 35 paiyz, Singapurda 63 paiyz bolsa, Mäskeude halyqtyŋ 66 paiyzy, Niu-Iorkte 54,3 paiyzy osy qyzmettı paidalanady eken. «Sondai-aq, bız köşe-jol jelısınıŋ ötkızu qabılettıgın 37,5 myŋ kq/saǧattan 43 myŋ kq/saǧatqa deiın joǧarylatuǧa ūmtylamyz» dedı S.M. Horoşun.
«Bırjaqty qozǧalys» jobasynyŋ ekı kezeŋınıŋ jüzege asqanyna köp bola qoiǧan joq. Halyqqa körsetıletın qyzmettıŋ sapasyn arttyru maqsatynda «Bus Lane» avtobus jolaqtary qalamyzdyŋ on bır köşesınde belgılendı. Jalpy ūzyndyǧy 38,4 şaqyrymdy alyp jatqan tiımdı ädıs avtobustardyŋ ortaşa jyldamdyǧyn 12-15 paiyzǧa arttyrdy.
Qoǧamdyq kölık qyzmetınıŋ oŋ nätijesın Jolauşylar kölıgı basqarmasynyŋ basşysy Edıl Süleimenov baiandap öttı. Qalada qoǧamdyq kölık salasynyŋ 9 operatory bar. Barlyq baǧdarlar sany – 85 bırlıktı qūraidy, onyŋ ışınde 67 bırlık – qala ışınde, 4 ekspress-marşrut, al qala maŋyna 14 baǧdar boiynşa qatynaidy. Kölıkterdı jaŋǧyrtu 1025 bırlıkke jetıp, körsetkış 40 paiyzǧa artqan. Jolauşylar aǧyny täulıgıne 850 myŋ jolauşy bolsa, qoǧamdyq kölık qyzmetın paidalanuşylar kölemı 33 paiyzǧa jetıp otyr.
Kelelı jiynnyŋ kelesı tyŋdalymy oryntūraq infraqūrylymyn damytu, aqyly oryntūraqtar engızu mäselerın qamtydy.
Aita ketu kerek, bas qalamyzdaǧy kölık qūraldary sanynyŋ artuy jylyna 10 paiyzǧa jetıp, myŋ astanalyqqa 340 kölıkten kelıp tūr. Būl qalanyŋ kölıktık jüiesıne äser etedı. Qoǧamdyq kölıktıŋ tartymdylyǧyn arttyrudyŋ maŋyzy zor ekenıne toqtalǧan jiynǧa qatysuşylar qyzmet sapasyna qatysty ūsynys-pıkırlerımen de bölıstı.
Aigül UAISOVA
