«Nūr Otan» partiiasy Astana qalalyq filialynyŋ qoǧamdyq qabyldau bölımıne köbınese jalaqy qaryzy boiynşa ötınışter köp tüsedı.
Bügınge deiın azamattardyŋ eŋbek dauy boiynşa barlyǧy 3 169 ötınış kelıp tüsken. Ärine, eŋbek dauy jalaqy tölenbeuınen tuady. Mäselen, Amanjol Temırbaev partiianyŋ qoǧamdyq qabyldau bölımıne jügınıp, Astana qalasy äkımınıŋ orynbasary Andrei Lukinnıŋ qabyldauyna şaqyryldy. Qabyldaudan soŋ aryzdanuşyǧa qaryzy tolyq kölemde tölenıp, mäselesı oŋ şeşıldı.
Äsırese, elorda tūrǧyndary tūrǧyn üi, qūqyqtyq jäne jūmyspen qamtu sekıldı mäselelermen qoǧamdyq qabyldau bölımıne jiı keledı. Olarǧa osy salaǧa jauapty mamandar kezdesu ötkızıp, tüsındıru jūmystaryn jürgızedı.
«Nūr Otan» partiiasy Astana qalalyq filialynyŋ qoǧamdyq qabyldau bölmesınde tūraqty türde Astana qalasy äkımınıŋ orynbasarlary, basqarmalar, departamentter jäne qūqyq qorǧau organdarynyŋ basşylary qabyldau ötkızedı. Sondai-aq, QR Parlament Mäjılısınıŋ deputattary Pavel Kazansev, Tatiana Iаkovleva, Qanat Musin, Sapar Ahmetov, Svetlana Bychkova jäne Jämila Nūrmanbetova azamattardy ai saiyn qabyldap, jüzdesıp otyrady. Astana qalalyq mäslihatynyŋ deputaty İlia Meşeriakov ta öz sailauşylarymen ai saiyn kezdesedı.
Qazırgı taŋda «Nūr Otan» partiiasy Astana qalalyq filialy qoǧamdyq qabyldau negızınde apta saiyn «Zaŋ AqiqatAstana» JŞS zaŋgerlerı jäne mediatorlarymen, «Qazaqstan Tūrǧyn üi qūrylys jinaq bankı» AQ keŋesşılerımen zaŋdyq keŋester men psihologtyŋ tegın keŋesı ötkızıledı. Sonymen bırge, halyqqa eŋbek, jer, tūrǧyn üi zaŋnamalaryn tüsındıru jūmystaryn ūiymdastyruǧa köşpelı qoǧamdyq qabyldau bolady. Oǧan 842 azamat jazylǧan.
Bügınge deiın «Nūr Otan» partiiasy Astana qalalyq filialy 274 azamatty qabyldap, üş köşpelı qoǧamdyq qabyldau ūiymdastyrǧan.
Sondai-aq, «Biznestıŋ jol kartasy-2020», «Jūmyspen qamtu jol kartasy-2020» baǧdarlamalaryn ıske asyru sūraqtary boiynşa «Joldaǧy qabyldau», «Ädılet keŋes beredı» atty qoǧamdyq qabyldaudyŋ respublikalyq şaralarynda elordalyq 2 978 azamatqa keŋes berılgen.
Tüiındep aitqanda, qoǧamdyq qabyldau bölımınen adamdar öz sūraqtaryna tūşymdy jauap pen keŋes alatyndyqtan, ötınış bıldıruşı elordalyqtardyŋ sany ösıp keledı.
