Qalalyq mäslihattyŋ qūrylys, ekologiia, kölık, sauda jäne tūrǧyn üi-kommunaldyq şaruaşylyq mäselelerı jönındegı tūraqty komissiiasynyŋ kezektı otyrysynda «Qoljetımdı tūrǧyn üi-2020» baǧdarlamasyn ıske asyru barysy turaly mäsele qozǧaldy.
Qalalyq Tūrǧyn üi basqarmasynyŋ basşysy Ruslan Ahmetov Ükımet qaulysymen bekıtılgen būl baǧdarlamada baspana berudıŋ bırneşe baǧyttary qarastyrylǧany jönınde aita kele, onyŋ «Qazaqstannyŋ tūrǧyn üi qūrylys jinaq bankı» aksionerlık qoǧamy jelısı boiynşa, «Qazaqstandyq ipotekalyq kompaniia» jäne «Samūryq-Qazyna» jyljymaityn mülık qory», sondai-aq, apatty üilerdı būzu qanatqaqty jobasyn jüzege asyru arqyly şeşıletınıne toqtaldy.
«Qazaqstannyŋ tūrǧyn üi qūrylys jinaq bankı» aksionerlık qoǧamy jelısı arqyly halyqtyŋ barlyq sanattaryna arnalǧan tūrǧyn üi baǧytymen 2013 jyly – 727, al 2014 jyly – 656 päter berılse, «jas otbasylarǧa arnalǧan tūrǧyn üi» baǧyty boiynşa biyl 2-14 mausym aralyǧynda Astana qalasy äkımdıgı qūjattar jinau jürgızgenın, ırıkteuden ötkenderge bır şarşy metrı 120 myŋ teŋgenı qūraityn 672 päter berıletının jetkızdı basqarma basşysy. Būl rette jas otbasylarǧa päter satyp alu üşın 8 jyl merzım ışınde aqşa jinau mümkındıgı qarastyrylady, üide jeŋıldık şartymen tūryp, sodan keiın qaryzyn 15 jylǧa deiıngı merzımge bölıp töleuge bolady eken.
«Qoljetımdı baspana-2020» baǧdarlamasyna «Samūryq-Qazyna» jyljymaityn mülık qory» AQ-nyŋ tūrǧyn üi baǧyty boiynşa ümıtker retınde jergılıktı atqaruşy organda kommunaldyq tūrǧyn üi qorynan baspana aluǧa kezekte tūrǧan azamattar qūjattaryn tapsyra alady. Qatysuşylardy ırıkteu kezek boiynşa jürgızıledı. Baǧdarlamaǧa osy baǧyt boiynşa qatysuşylar biyl jyl soŋynda qonys toiyn toilaityn bolady» dedı R.Ahmetov.
Gülbarşyn ÖKEŞQYZY
