Qazaqqa tän tektılıktı tanytyp kele jatqan, jas ta bolsa tanymal akter Quandyq Qystaqbaev Resei Federasiiasynyŋ Kemerov oblysy taǧaiyndaǧan «Orden za pocheta Kuzbassa» tösbelgısımen marapattaldy.
Qystaqbaev – qalyŋ qazaq arasynan suyrylyp şyǧyp, atalmyş marapatqa qol jetkızıp otyrǧan tūŋǧyş tūlǧa. Būl jetıstıkke akter özınıŋ partizan-jazuşysy, Halyq qaharmany häm Ūly Otan soǧysynyŋ batyry jaiynda 4 bölımnen tūratyn «Qasym» filmınde oinaǧany üşın qol jetkızıp otyr.
Tür-tūlǧasy kelısken, önerın şeberlıkpen şyŋdaǧan akterdı guberniia tarapynan marapattauǧa Kemerov oblysynyŋ gubernatory Aman Töleevtıŋ özı mūryndyq bolypty.
Qazaq ärtısıne tösbelgını tabystap, önerdegı jetıstıgımen qūttyqtau üşın Kemerovten arnaiy delegasiia keldı.
Söitıp, keşe Q.Quanyşbaev atyndaǧy Qazaq muzykalyq akademiialyq drama teatrynda kezektı qoiylym – Duman Ramazannyŋ pesasy boiynşa sahnalanǧan «Abylai hannyŋ armany» spektaklınen keiın Q.Qystaqbaevqa «Orden za pocheta Kuzbassa» tösbelgısı tabystaldy.
Osy qoiylymda Qystaqbaev Abylaidyŋ rölın somdaǧan edı.
SÜBELI SÖZ
Quandyq QYSTAQBAEV, akter:
– Rasynda da, būl marapat Qazaqstannan alǧaş ret maǧan berılıp otyr. «Qasym» filmınde nar tūlǧamyzdy somdaǧanym üşın taǧaiyndalǧan. Men ne derımdı bılmei otyrmyn. Ärine, quanyşty ekenımdı jasyra almaimyn. Būl tösbelgı Reseidıŋ bır oblysynyŋ taǧaiyndaǧan marapaty ǧoi deiın desem, «halyqaralyq» märtebesı bar eken. Odan da maŋyzdysy, özge elde oza şauyp, el basqaryp jürgen aǧamyz Aman Töleev qol qoiyp berıp otyr. Sondyqtan, būl marapattyŋ men üşın maŋyzy zor.
Näzira BAIYRBEK
