Merekelık şaralarǧa daiyndyqqa bailanysty Astana qalasynda 30 säuırge deiın Täuelsızdık daŋǧylynyŋ boiyndaǧy A.Baitūrsynov köşesınen J.Näjımedenov köşesıne deiıngı jol qozǧalysy jartylai şekteledı.
1 mamyr künı saǧat 7.00-13.00-ge deiın Täuelsızdık daŋǧylynda, B.Momyşūly daŋǧylynan Ş.Qaldaiaqov köşesıne deiın, Ş.Qaldaiaqov köşesınde №3 köpır jolaiyryǧynan Obaǧan köşesıne deiın, R.Qoşqarbaev köşesınde B.Momyşūly daŋǧylynan Saryköl köşesıne deiın, Ainaköl köşesınde Saryköl köşesınen J.Näjımedenov köşesıne deiıngı joldar jabylady.
1 mamyr künı ötkızılgen merekelık şaralar kezınde qoǧamdyq kölıktıŋ qozǧalys kestesıne de özgertuler engızıledı.
Atap aitqanda, №3 baǧyttaǧy avtobustyŋ qozǧalys kestesı Täuelsızdık daŋǧylynan R.Qoşqarbaev köşesıne deiın şektelıp, B.Momyşūly daŋǧylynan būrylady jäne M.Jūmabaev köşesı arqyly «Saraişyq» tūrǧyn üi keşenıne deiın, al, kerı qaitarda R.Qoşqarbaev köşesı arqyly jüredı.
№ 4, 14 baǧyttaǧy avtobustardyŋ qozǧalysy Täuelsızdık daŋǧylynan R.Qoşqarbaev köşesıne deiın şekteledı;
№19, 40 baǧyttaǧy avtobustardyŋ qozǧalysy Täuelsızdık daŋǧylynan R.Qoşqarbaev köşesıne deiın şektelıp, B.Momyşūly daŋǧylynda
№1 köpır arqyly kerı būrylady;
№21 baǧyttaǧy avtobustyŋ qozǧalysy Syǧanaq köşesınen Orynbor köşesıne deiın şekteledı;
№32 baǧyttaǧy avtobustyŋ qozǧalysy Ainaköl köşesınen, M.Jūmabaev daŋǧylymen B.Momyşūly daŋǧyly arqyly №1 köpırge deiın şektelıp, ärı qarai būrynǧy keste boiynşa jalǧasady.
Ne? Qaida? Qaşan?
Qazaqstan halqy künıne arnalǧan negızgı ıs-şaralar – merekelık konsert pen halyqtyq seruen 1 mamyr künı saǧat 10:00-den 15:00-ge deiın «Qazaq elı» monumentınıŋ aldyndaǧy alaŋda ötedı. Sol künı saǧat 10:00-den 23:00-ge deiın «Bäiterek» monumentınıŋ aldynda, Astana qalasy äkımdıgınıŋ aldyndaǧy alaŋda, «Studenttık» saiabaqta, sonymen qatar saǧat 10:00-den 19:00-ge deiın «Jastar» teatrynyŋ aumaǧynda (būrynǧy K.Baiseiıtova atyndaǧy opera jäne balet teatry), «Jastar saiabaǧynda» jäne M.Ötemısūly atyndaǧy Oquşylar saraiy maŋyndaǧy Esıl özenınıŋ jaǧalauynda merekelık şaralar körıgı qyza tüspek.
Qazaqstan halqynyŋ bırlıgı künıne arnalǧan basty merekelık şaralar üş bırdei alaŋda (Qalalyq äkımdıktıŋ aldyndaǧy alaŋda, Ǧaşyqtar saiabaǧynda jäne «Bäiterek» monumentınıŋ janynda) LED-monitorlar arqyly körsetıledı.
Sonymen qatar, 1 mamyr künı qala tūrǧyndary üşın Q.Quanyşbaev atyndaǧy memlekettık akademiialyq Qazaq muzykalyq drama teatrynda saǧat 18:30-da jäne M.Gorkii atyndaǧy memlekettık akademiialyq Orys drama teatrynda saǧat 18:00-de «Jūbailar jūmbaǧy» men «Hanuma» atty muzykalyq komediialar qoiylady.
Säuırdıŋ 30-nan mamyrdyŋ 4-ne deiın saǧat 10:00-den 18:00-ge deiın S.Seifullin atyndaǧy mūrajaida «Bereke basy – dostyq» atty körme men 15 mamyrda saǧat 19:00-de Kongress-holda Astana qalasy äkımdıgınıŋ memlekettık akademiialyq filarmoniiasynyŋ «Şalqyma» bi ansamblı «Dostyq poeziiasy» atty konsert qoiady.
