Suǧa şomylu mausymynyŋ bastaluyna sanauly künder qaldy. Osyǧan orai, qalalyq suda qūtqaru qyzmetı halyq şomylatyn jerlerde qauıpsızdık şaralaryn küşeitude. Būl jönınde Astana qalasy TJD Suda qūtqaru qyzmetınıŋ bastyǧy Georgii SAVRUK äŋgımelep berdı.
– Şomylu mausymynda qauıpsızdık şaralary qalai qamtamasyz etılgen?
– Bız saqtyq şaralarynyŋ bärıne daiynbyz. Degenmen, mausym aiynyŋ orta şenıne jaqyndasaq ta, suǧa tüsuge älı erte. Bügınde sudyŋ temperaturasy 10-12 gradus qana. Oǧan jel men aua raiynyŋ qolaisyzdyǧy sebep boluda. Al, suǧa tüsu üşın kemınde 18 gradustan joǧary boluy kerek. Jaǧalauda ärbır 100-150 metr saiyn qauıpsızdık erejelerı jazylǧan taqtalar ornatylyp, şomyluǧa rūqsat aimaqtar qorşaumen belgılengen. Suǧa tüsuge älı erte bolsa da, özen jaǧalauşylardyŋ qarasy köp. Alaida, mezgılsız uaqytta suǧa tüsemın dep adamdar öz ömırıne qater töndırmegen dūrys. Sudaǧy tötenşe jaǧdaida ärbır sekund sanauly.
Jospar boiynşa bızdıŋ mekemeden bölek TJM-nıŋ josparyna säikes TJD, Almaty, Esıl, Saryarqa audandary äkımdıkterı men IID, Astana qalasynyŋ Bılım, Densaulyq jäne Turizm, dene tärbiesı jäne sport basqarmalarymen bırge jūmyla jūmys ısteudemız.
– Astanada qai jerlerde şomyluǧa rūqsat etılgen?
– Bızde şomyluǧa rūqsat etılgen ekı oryn bar. Onyŋ bırı astanalyq jaǧajai bolsa, ekınşısı – Qoiandy auylyndaǧy demalys aimaǧy. Alaida, suǧa tüsuge tyiym salynǧan jerlerde de şomyluşylar sany kemımei otyr. Jaǧalauda şomylu öte qauıptı. Öitkenı tık jardan qūlap ketu qaupı basym. Bügınde Sudan qūtqaru qyzmetınde 6 motorly qaiyq, 7 qūtqaru şliupı, 2 süŋguır-qūtqaru kölıgı men 34 adamnan tūratyn 2 qūtqaru qyzmetı bar. Qaiǧyly jaǧdaidy boldyrmas üşın qarapaiym qauıpsızdık erejelerın saqtap, balalardy qarausyz qaldyrmau kerek.
Erkejan SÄTIMBEK
