Qala qūrylysy jäne säulet mäselelerı boiynşa ötken keŋeste elorda äkımı Äset İsekeşev özınıŋ bırınşı orynbasary Sergei Horoşunǧa Astana qalasynda jobalau men qūrylysqa rūqsat beru proseduralaryn aitarlyqtai jeŋıldetudı jäne onyŋ aiqyndylyǧyn qamtamasyz etetın oŋtaily algoritm äzırleudı tapsyrdy.
Aldaǧy uaqytta qala qūrylysy jäne säulet basqarmasynyŋ qyzmetterı barynşa qoljetımdı bolady. Osy maqsatta qyzmetterdı elektrondy formatqa köşıru jūmystary qolǧa alyndy. Sonymen qatar, «Elektrondy säulet» bazasy jasalady.
Osylaişa, «eskizdık jobalardy kelısu», «syrtqy jarnama ornatu», jobalau men qūrylysqa rūqsattar, rekonstruksiiaǧa şeşımder beru siiaqty qyzmetterdı ūsynu barysynda äkımşılık tosqauyldar qysqartylady. Jalpy, qala qūrylysy, säulet jäne qūrylys qyzmetınıŋ subektılerıne basqarmanyŋ 25 qyzmetın paidalanu üşın elektrondy kanal aşylady.
Qyzmetterdıŋ jaŋa formaty kezeŋ-kezeŋmen engızılmek. Bügınde eskizdık jobalardy kelısu boiynşa elektrondy qyzmet pilottyq rejimde ūsynylyp jatyr, qalǧan qyzmetter jaqyn arada elektrondy formatqa köşırılmek.
