Jaqynda Astana qalalyq prokuraturasynda ūrlyq, alaiaqtyq, tonau, qaraqşylyq jäne bopsalau sekıldı qylmystyq äreketterge qarsy atqarylyp jatqan şaralardyŋ jai-küiıne arnalǧan otyrys bolyp öttı. Sondai-aq, jiyn barysynda osy jyldyŋ alǧaşqy alty aiynda oryn alǧan qylmystyq äreketter jönınde äŋgıme qozǧaldy.
Astana qalalyq prokuraturasynyŋ qyzmetkerlerı elordada künnen künge qylmys sanynyŋ artyp kele jatqanyna alaŋdauşylyq bıldırıp, dabyl qaǧuda. Olardyŋ aituynşa, qūqyq qorǧau organdarynyŋ jūmysy köŋıl könşıterlık deŋgeide emes. Sebebı, aşylmai qalǧan qylmystardyŋ sany köp bolyp tūr. Sonyŋ ışınde biylǧy alty aida tırkelgen qylmystardyŋ eŋ köbı – ūrlyq. Ol turaly Astana qalasy prokuraturasynyŋ aǧa prokurory Änuar Quanälievtıŋ özı baian ettı.
«Ökınışke qarai, Astana qalasynda jasalǧan qylmystardyŋ eŋ köbı ūrlyq-qarlyq bop tūr. İä, būǧan qarsy qūqyq qorǧau organdary barynşa jūmys jasap jatyr. Alaida, qylmystyŋ kürt artuyna bailanysty būl qareketterı jetkılıksız dep sanap, osy mäselenı taldau üşın alqa mäjılısın ötkızıp otyrmyz» dedı ol.
Naqty derekter boiynşa, jyl basynan berı Astanada ūrlyqqa qatysty 9807 qylmys tırkelgen. Būl ötken jylmen salystyrǧanda ekı ese artyq. Al, alaiaqtyq boiynşa 2310 jaǧdai oryn alsa, azamattar 44 märte qaraqşylyq şabuyldyŋ qūrbanyna ainalǧan eken. Kerısınşe, byltyrǧymen salystyrǧanda bopsalau edäuır azaiǧan. Bügıngı künı qūqyq qorǧauşylardyŋ qūryǧynan qūtyla almai, äşkere bolǧan qylmystardyŋ ışınde ūrlyqtyŋ 5,4 paiyzy, alaiaqtyqtyŋ 13,8 paiyzy, būzaqylyqtyŋ 63,5 paiyzy, tonaudyŋ 26,9 jäne bopsalaudyŋ 15 paiyzy ǧana aşylyp otyr.
Būl jönınde Astana qalasy prokuraturasynyŋ basqarma basşysy Daniiar Ermekov bylai deidı:
«Qylmystyq ıster qala boiynşa üş audanda bırdei köbeiu üstınde deuge bolady. Şyny kerek, olardyŋ 50 paiyzdan köbı aşylmai jatyr. Olardyŋ ışınde alaiaqtyqpen ainalysqandardy ūstau köbıne qiyndyq tudyrady. Sebebı, alaiaqtar oǧan aldyn ala arnaiy daiyndalyp, azamattardy aldau arqyly aqşalaryn qoldy etuge tyrysady».
Prokuratura qyzmetkerlerınıŋ aituynşa, qaraqşylyq pen tonauǧa qatysty qylmystyq ıs şaǧym tüsken künı bırden qozǧalmai, keiın tergeualdy tekseru merzımın qasaqana ūzartu siiaqty zaŋsyzdyqtar oryn alyp otyrǧan eken. Mamandarǧa sensek, būl öz kezegınde qylmystyŋ aşyluyna ülken kedergı keltıredı.
Nūrislam QŪSPANǦALİ
