Jaŋalyqtar

«QYMYZMŪRYNDYQ» QYZYQTARY

Bügın Astana künı  aiasynda «Jerūiyq» saiabaǧynda Halyqaralyq «Qymyzmūryndyq»  etnografiialyq festivalı bastaldy.

IMG_9407

Babalarymyz  «sary qymyz – dertke şipa, boiǧa – küş» dep tegın aitpaǧan.

Aituly şara aiasynda «Jerūiyq» saiabaǧyna bırneşe aqboz üi tıgılıp, ūlttyq taǧamdardan tūratyn mol dastarhan jaiyldy.  Festivalǧa kelgender qymyzdan däm tatyp, bır-bırın merekelerımen qūttyqtap jatty.Elordalyq Q. Quanyşbaev atyndaǧy Qazaq akademiialyq muzykalyq drama teatrynyŋ ärtısterı ūlttyq susyndy därıpteitın qoiylym koidy. Aq saqaldy qariialar bata berıp, aq jaulyqty äjeler än saldy.  Äigılı änşı Bibıgül Tölegenova apamyz jinalǧandarǧa ızgı lebızın bıldırıp, äuezdı än şyrqady. Festivalǧa Qyrǧyzstan jäne Resei memleketınıŋ Qalmaq, Altai, Novosıbır, Iаkutiia, Baiköl aimaǧy men Buriatiiadan  kelgen türkı tektes aǧaiyndar da öz önerlerın jūrtşylyqqa ūsyndy.

Etno auylda jıgıtter men qyzdar altybaqan teuıp, sauyq-sairan qūrdy. Auyldyŋ alty auyz önerpazdary da halyq änderın şyrqap, körermenderge körkem köŋıl-küi syilady.  Baluandar men batyrlar küş synasyp, şeberlıkterın körsettı. Asyq atu men toǧyzqūmalaq oiyndarynyŋ körıgı qyzdy. Qysqasy,  ertedegı qazaqy auyldyŋ beinesın köz aldymyzǧa äkelgen ǧajaiyp merekege köpşılık dän riza boldy.

Festival erteŋ de jalǧasady.

                                                                               Azamat ESENJOL

Taǧyda

Ūqsas jaŋalyqtar

Pıkır üsteu

Back to top button