QYZMETTE «KÖKESIZ» ÖSU MÜMKIN BE?
Älihan BÄIMENOV,
QR Memlekettık qyzmet ısterı jönındegı agenttıktıŋ töraǧasy:
– Qoǧamda qyzmetke tuysyn tartu «dästürı» älı de kezdesedı. Mūndai dästürdıŋ tolyǧymen joiylatyndyǧyna men senemın. Öitkenı, qazırgı basşylar öz qaramaǧynda bılıktı kadrlardyŋ bolǧanyn qalaidy.
Memleket basşysy «komandalyq köşu» dep atalatyn täjıribenı toqtatu, konkurstan tys auysu arqyly kadrlar taǧaiyndaudy qysqartu jönınde bırneşe tapsyrmalar bergen. Jaŋadan ūsynylyp otyrǧan «Qazaqstan Respublikasynyŋ keibır zaŋnamalyq aktılerıne memlekettık qyzmet mäselelerı boiynşa özgerıster men tolyqtyrular engızu turaly» zaŋ jobasynda osyǧan bailanysty bırneşe mäsele közdelıp otyr. Zaŋ jobasynyŋ basty maqsaty – memlekettık qyzmetke eŋ laiyqty azamattardy ırıkteu arqyly qabyldap, lauazymy joǧarylaǧanda olardyŋ abyroiyn, bılıktılıgın, eŋbegın eskeretın jüienı qalyptastyru. Sonymen qatar, būl zaŋ jobasy «Qazaqstan-2030» strategiialyq baǧdarlamasyndaǧy «memlekettık qyzmet ūltqa qyzmet etu kerek» degen sözdıŋ sinonimı boluy tiıs.
Zaŋ jobasynda memlekettık qyzmetke ırıkteudıŋ jariialylyǧy men ädıldıgın ornatuǧa baǧyttalǧan şaralar qamtyldy. Ol kezde testıleu memlekettık organdardaǧy konkurstyq ırıkteuden tys täuelsız ötkızıletın bolady. Testıleude alǧan baǧasyna qarai azamattarǧa konkursqa qatysu qūqyn beretın sertifikat tapsyrylady.
İlias QOJABEKOV,
Ǧylymi saraptama jäne taldau institutynyŋ üilestıruşısı, qūqyq magistrı:
– Bügıngı künı kez kelgen jastyŋ eşqandai «äke-kökesınsız» ösuıne mümkındıgı bar. Bıraq, ol üşın aldymen ısker, öz salasynyŋ naǧyz mamany boluy şart. Bıraq, «kökesız» ösudıŋ bır eskerer tūsy, ol qajyrly eŋbektı, şydamdylyqty, sosyn ūzaq uaqytty talap etuı mümkın, kei kezderı.
Bıraq, qanymyzǧa sıŋıp qalǧan ädet bolsa kerek, qolaily qyzmetke jaiǧasu üşın qaşan da «köke» ızdeitın ädetımız bar ǧoi bızdıŋ.