Osy mamyr aiynda elordada Memlekettık rämızderdıŋ tıgılu jäne ornalastyru tärtıbı, memlekettık mekemeler men käsıpkerlık nysandar maŋdaişasyndaǧy Memlekettık Tu men Eltaŋbanyŋ jai-küiı tekserıldı. Keşe Astana qalasy äkımdıgı janyndaǧy Memlekettık rämızder jönındegı komissiia otyrysynda atalmyş tekserıstıŋ qorytyndylary jariia etıldı. Otyrysty komissiia töraǧasy, Astana äkımınıŋ orynbasary Ermek Amanşaev aşyp, jürgızıp otyrdy.
Kün tärtıbındegı mäsele boiynşa qalalyq Işkı saiasat basqarmasynyŋ basşysy Erlan Qanalimov baiandama jasady. Ol tekserıstıŋ nätijesınde Memlekettık rämızderge qatysty anyqtalǧan kemşılıkterdı jäne būl olqylyqtarǧa jol bergen bırqatar mekemeler men käsıpkerlık nysandardy tızıp şyqty. Rämızderge salǧyrt qaraǧandardyŋ qatarynda QR Auyl şaruaşylyǧy ministrlıgı, QR Prezidentı janyndaǧy Memlekettık basqaru akademiiasy, Astana qalasy Memlekettık kırıster departamentı, qalalyq Qazynaşylyq departamentı, Astana qalasy Ädılet departamentı men Almaty audanynyŋ Ädılet basqarmasy, S. Seifullin atyndaǧy Qazaq agrotehnikalyq universitetı, Astana qalasy Tūtynuşylardyŋ qūqyǧyn qorǧau departamentı, Jyljymaityn mülık ortalyǧynyŋ Astana qalalyq filialy, «Ramada Plaza Astana», «Aq būlaq», «Redisson Astana», «Aqqu», «Park inn», «Marriot» qonaq üilerı ataldy.
Sonyŋ ışınde Memlekettık Tu tüsınıŋ oŋuy men jyrtyluy jäne tūǧyryna oralyp qaluy nemese qaraly künderdegıdei tömen tüsırıluı, tıgılu jäne ornalastyru tärtıbıne säikes kelmeuı syndy kemşılıkter anyqtaldy. Astana qalasy İnvestisiialar jäne damu basqarmasy men Ortalyqtandyrylǧan kıtaphanalar jüiesı maŋdaişasyna Memlekettık rämızderdı mülde ılmeptı.
– «Memlekettık rämızder turaly» QR Zaŋyn būzu faktılerı anyqtalǧan jaǧdaida jergılıktı bilık organdary äreketınıŋ algoritmın jasadyq. Būl algoritmdı talqylap, maqūldaudy sūraimyn. Sondai-aq, qalalyq Işkı saiasat basqarmasy atalǧan zaŋǧa engen özgerısterdı esepke alyp, qala prokuraturasy, qalalyq IID jäne Tehnikalyq retteu jäne metrologiia komitetınıŋ qalalyq departamentımen bırlesıp, rämızderge qatysty zaŋdylyqtyŋ saqtaluyn tekseru kestesın äzırledı. Būl keste maqūldanǧan soŋ, jūmysqa kırısuge äzırmız, – dedı E. Qanalimov.
Alda Memlekettık rämızder künı merekesı kele jatyr. Memlekettık Tu men Eltaŋbanyŋ el ömırındegı, äsırese, biyl Qazaqstan Respublikasy täuelsızdıgınıŋ 25 jyldyǧy toilanatyn kezeŋde atqaratyn ülken rölıne toqtalǧan Ermek Amanşaev elordadaǧy barlyq mekemeler men käsıpkerlık nysandardy tekserıp şyǧu kerektıgıne nazar audardy.
– Astana qalasy Işkı saiasat basqarmasy men qalalyq Işkı ıster departamentı, audandyq äkımdıkter, Tehnikalyq retteu jäne metrologiia komitetınıŋ qalalyq departamentımen bırlesıp, anyqtalǧan kemşılıkterdı joiu boiynşa jūmystardy qolǧa alsyn. Atqarylǧan şaralar turaly 1 mausymǧa deiın habarlansyn, – degen Astana äkımınıŋ orynbasary tiıstı organdarǧa özge de maŋyzdy tapsyrmalardy berdı.
Otyrys soŋynda Astana qalasy Tılderdı damytu basqarmasynyŋ basşysy Tıleuǧali Qyşqaşbaev pen qalalyq Densaulyq saqtau basqarmasynyŋ basşysy Erık Baijünısov öz ūsynystaryn engızdı.
Komissiianyŋ kelesı otyrysy mausym aiynyŋ soŋyna belgılendı.
Amanǧali QALJANOV
