Jaŋalyqtar

Reformalardy jüzege asyru –ülken jauapkerşılık

IMG_1854

Memleket basşysy jariialaǧan bes institusionaldyq reformany jüzege asyruǧa baǧyttalǧan «Memlekettık qūrylystyŋ aldaǧy 100 naqty qadamy» ūlt josparyn ıske asyru boiynşa elordada qandai jūmystar atqarylyp jatqany jönınde«Nūr Otan» partiiasy Astana qalalyq filialy töraǧasynyŋ bırınşı orynbasary Sapar Ahmetovpen äŋgımelesken edık.

– Sapar Qairatūly, eldegı quatty saiasi küşke ainalǧan «Nūr Otan» partiiasy Elbasy jüktegen mındetterdıŋ oryndaluyna belsendı aralasyp, äleumettık-ekonomikalyq saiasatty jüzege asyru barysynda tiımdı partiialyq baqylau ornatyp keledı.  Äŋgımemızdı Memleket basşysy jariialaǧan bes reformany jüzege asyrudyŋ 100 qadamy negızındegı partiianyŋ qalalyq filialy atqaryp jatqan ısterınen bastasaq…

– Memleket basşysynyŋ bes institusio­naldyq reformasy – memlekettık qūrylymdy, onyŋ saiasi-ekonomikalyq äleuetın san-salaly qyrynan  damytatyn öte auqymdy joba. Būl – Qazaqstan memlekettılıgın nyǧaityp, jarqyn bolaşaqqa jeteleitın naqty jospar. Elımız üşın maŋyzdy reformalardy jüzege asyru «Nūr Otan» partiiasyna da ülken jauapkerşılık jüktep otyr. Partiia bes institusionaldyq reformany qamtityn «100 naqty qadam» ūlt josparyn jüzege asyru jönındegı ūsynymdardyŋ auqymdy jiyntyǧyn äzırledı. Elordalyq filial da osy mındetterden tysqary qalmai, jergılıktı uäkılettı organdarmen bırlesıp, bırşama ıstı qolǧa aldy.  Aitalyq, partiia müşelerı, qalalyq mäslihat deputattary Ükımet tarapynan qūrylǧan  toptarda jūmys ıstep,  kelelı mäselelerdı şeşuge ün qosyp, oi-ūsynymdaryn bıldırude. Mäselen, «Nūrly jol – bolaşaqqa bastar jol» Joldauynda Elbasy memlekettı äleumettık-ekonomikalyq damytu baǧytyndaǧy jobalarǧa bölınetın qarjynyŋ tiımdı ärı oŋtaily paidalanyluyna qataŋ partiialyq baqylau ornatu kerektıgın erekşe tapsyrǧany belgılı. Osyǧan bailanys-ty partiianyŋ elordalyq mäslihattaǧy fraksiia müşelerı qalanyŋ infraqūrylymdaryn damytuǧa bölıngen qarajattyŋ dūrys jūmsaluyn airyqşa qadaǧalap otyr. Mysaly, «Nūrly jol» baǧdarlamasy aiasynda Astana äuejaiynyŋ ūşyp-qonu jolaǧyn keŋeitıp, jaŋa terminalyn salu üşın Elbasy 29 mlrd teŋge böludı tapsyrdy. Osy qarjynyŋ är tiyny bosqa şaşylmauy – partiia müşelerınıŋ baqylauynda. Bügınde nysandy jaŋǧyrtu jūmystary oidaǧydai jürıp jatyr. Būiyrtsa, aeroporttyŋ qaita jaŋǧyrtylǧan nūsqasy mejelengen merzımde aiaqtalady degen  senımdemız.

Qazırgı künı «EKSPO-2017» körme keşenı qūrylysyn salu da – basty mındetterdıŋ bırı. Onyŋ nysandary uaqytyly aiaqtaluyna «Nūr Otannyŋ» qalalyq filialy da müddelılık tanytyp otyr. Būl körme keşenı de uaqytyly salynyp bıtedı degen senım bar.

Jalpy, «Nūr Otannyŋ» astanalyq filialy bolǧandyqtan, bızge degen talap ta joǧary, jauapkerşılık te ülken. Sebebı, eldıŋ elordaǧa degen közqarasy erekşe. Mūnda ärbır ıs mınsız atqarylyp, astanalyq deŋgeige sai boluy kerek. Qadaǧalau mäselelerı de, tärtıp te qataŋ boluy tiıs.  Bızdıŋ partiia müşelerı osy maqsat üdesınen şyǧuǧa barynşa küş salyp keledı.

– Elımızdegı strategiialyq baǧdarlamalar men «Nūr Otan»partiiasy qabyldaǧan qūjattar ündes keledı. «100 naqty qadam» ūlt josparynda tüzılgen mäselelerdı şeşuge arnalǧan partiialyq  jobalar töŋıregınde oi bölısseŋız.

– «Nūr Otannyŋ» memlekettık saiasattty jüzege asyruǧa baǧyttalǧan jobalary barşylyq. Sonyŋ bırı – otandyq bizneske jan-jaqty kömek körsetuge jäne käsıpkerlık bastamany jüzege asyruǧa baǧyttalǧan «Myqty biznes – quatty memleket» jäne «Ardagerlerdı ardaqtaiyq!», «Sättı qadam», basqa da köptegen jobalardy atap ötuge bolady. Biyl Jeŋıstıŋ 70  jyldyǧyna orai «Ardagerlerdı ardaqtaiyq!» aksiiasy şeŋberınde köptegen şaralar atqardyq. Osy joba boiynşa, äsırese, bastauyş partiia ūiymdary, «Jas Otan» jastar qanaty öte belsendı jūmys ıstedı. Partiianyŋ elordalyq filial müşelerınıŋ belsendı toby jyldyŋ basynda 328 ardagerdı qamqorlyqqa aldy. Sonyŋ ışınde 100-ge tarta ardagerdıŋ üi-jaiy jöndeuden ötkızıldı. Qarttarǧa qajettı zattardyŋ bärı alynyp berıldı.  Bız ötken jyldyŋ aiaǧynda ardagerlerımızdıŋ nege mūqtaj ekendıgın bılu üşın arnaiy saualnama ūiymdastyrǧanbyz.  Sonyŋ qorytyndysy boiynşa qarttarǧa qajettılıktıŋ bärı tügeldendı. Em-domyna jaǧdai jasasyp, tūratyn üiınıŋ kıreberısıne deiın jöndeldı. Men özım de bırtalai ardagerdıŋ üiınde boldym. Hal-jaǧdailaryn sūrap, mäselesıne qanyqtym.Bügınde Astanada tūratyn maidangerlerdıŋ bärı pätermen qamtamasyz etıldı. Būl da qolǧa alynǧan jūmystardyŋ bır nätijesı dep bılemız.

– Jaŋa özıŋız aityp ötken «Sättı qadam» jobasy boiynşa Astanada qandai ıster atqarylyp jatyr?

– «Sättı qadam»  – joǧary oqu oryndaryn bıtıruşı jastarǧa arnalǧan joba. Osy arqyly «Nūr Otan» tülekterdıŋ belgılı bır mekemelerde taǧylymdamadan ötıp, qyzmet satysymen örleuıne mümkındık jasaidy. Jastar alǧan bılımderın naqty täjıribede synai alady. Būl joba 2013 jyldyŋ şılde aiynda jolǧa qoiylsa, sol jyly oqu oryndaryn bıtırgen jastardan 394 ötınış qabyldadyq.  Olardyŋ ışınde 149-y äŋgımelesuden ötıp, 79-y ärtürlı mekemeler men ūlttyq kompaniialarda taǧylymdamadan öttı. Sonyŋ 19-y üş ailyq taǧylymdamadan keiın sol jerge tūraqty jūmysqa qabyldandy. Al byltyr  jūmysqa ornalasu üşın taǧylymdamadan ötuge  909 ötınış tüstı. Onyŋ 154-ı äŋgımelesuden ötıp, synaq merzımımen jūmysqa jıberıldı.  Özın-özı körsetıp, qarym-qabıletın körsetken 56 jas jūmysqa qabyldandy. Būl – bız üşın ülken jetıstık. Osy baǧyttaǧy jūmystar biyl tamyz aiynda taǧy da jalǧasyn tabady. Bügınde keibır käsıporyndar şyǧystaryn qysqartyp, ünemşıldıkke köşıp jatqany belgılı. Soǧan qaramastan tülekterdı jūmysqa ornalastyru körsetkışımız byltyrǧydan kem tüspeu kerek degen maqsat qoiyp otyrmyz.

Jastardy, sonyŋ ışınde käsıbi tūrǧydan jetıluge ūmtylǧandarǧa qoldau körsetıp, olardan zaman talabyna sai basqaruşylar daiarlap şyǧaruǧa arnalǧan «Jastar kadrlyq rezervı» jobasy boiynşa da auqymdy şaralardy ıske asyrudamyz. Byltyr käsıbi jaǧynan şyŋdalǧysy kelgen  17 adamdy bılıktılıktı jetıldıru kursynan ötkızıp, lauazymyn joǧarylattyq.

Atalmyş jobalardan joǧary arnaiy bılımı joq jastar da şet qalmaidy. «Nūr Otan» partiiasy  belgılı bır käsıbı joq jastarǧa da qol ūşyn beredı. Äsırese, bazarlarda qara jūmys ıstep jürgen qyz-jıgıtterdıŋ belgılı bır käsıptıŋ iesı atanuy üşın qalalyq Jūmyspen qamtu jäne äleumettık baǧdarlamalar basqarmasymen bırlesıp, bırqatar şaralardy qolǧa aldyq. Olarǧa aqyl-keŋes berıp, qaita daiarlaudan ötuge, syrttai jäne keşkı oquǧa tüsuge järdemdestık. Eŋbek naryǧynda qat mamandyqtarǧa bıraz jastardy baulydyq.

– Endı  «Nūr Otan» partiiasy Astana qalalyq filialy jönınde aita ketseŋız.

– «Nūr Otannyŋ» Astana qalalyq filialynda  325 bastauyş partiia ūiymy , 6 aumaqtyq bölımşe bar. Bügınde qaladaǧy partiia müşelerınıŋ sany 35 myŋǧa jettı. «Nūr Otanǧa» el ülken senım artyp otyr. Sondyqtan sol senım üdesınen şyǧyp,  auqymdy mındetterdı şeşuge saqadai-sai bolu – bızdıŋ basty maqsatymyz.

Qymbat NŪRǦALİ

 

Taǧyda

Ūqsas jaŋalyqtar

Pıkır üsteu

Back to top button