Bügın Astana qalasy Mädeniet, mūraǧattar jäne qūjattama basqarmasynyŋ ūiytqysymen elordamyzdyŋ auruhanalarynda emdelıp jatqan büldırşınder de du-dumannan qalys qalmady. Densaulyǧyna bailanysty merekelık şaralardy tamaşalai almaǧan balalardy Anna Sedokova, Stas Kostiuşkin, Mädina Saduaqasova, änşı Bürkıt, Potap pen Nastia syndy Resei men Qazaqstannyŋ bırqatar estrada jūldyzdary arnaiy qūttyqtap qaitty.
Mereke aiasynda änşıler №1 jäne № 2 qalalyq balalar auruhanasy, «Äleumettık qyzmet körsetu ortalyǧy», «Balam-ai» damytu ortalyǧy sondai-aq, «Ana men bala ūlttyq ǧylymi ortalyǧynyŋ» onkologiia bölımın aralap, baldyrǧandarǧa ännen şaşu şaşty. Būdan keiın balalar belgılı önerpazdarmen estelık suretterge tüstı.
«Kışkentailarǧa jylulyq syilau – ülkenderdıŋ basty mındetınıŋ bırı. Külkıge bölengen bala ekınşı bıreudıŋ köŋılın köteredı. Būl bailanys üzılmese, älem de baqytty bolmaq» deidı Anna Sedokova. Al, otandyq ärtıs Bürkıt: «Būl şaqyrtudan bas tarta almadym. Özım de äkemın. Balalardy quantyp, kışıgırım bolsa da konsert qoiyp jatyrmyz. Än tyŋdap, bi bilep, tezırek jazylyp ketse degen tılek bızdıkı. Säbilerımız auyrmasyn!» degen aqjarma nietın jetkızdı.
Bürkıt NŪRASYL
Mädina JAQYP
