Milliondaǧan adamnyŋ qanymen, közınıŋ jasymen, maŋdaiynyŋ terımen kelgen Jeŋıstıŋ baǧasy qaşan da qymbat.
Osy bır mereke men üşın de öte qasterlı sanalady. Öitkenı, äkem Ūly Otan soǧysynyŋ ardagerı Qadyrbek Äbdıldaūly bar sanaly ǧūmyryn el igılıgı jolynda eŋbek etuge arnap ötken edı. Aqmola oblysynyŋ Esıl audanyna qarasty İgılık auylynda düniege kelgen. El basyna kün tuǧan syn saǧatta öz erkımen sūranyp, maidanǧa attanady.1942 jyldyŋ nauryz ben qazan ailary aralyǧynda arnaiy daiyndyqtan ötıp, qaraşada Stalingrad üşın şaiqasqa aǧa serjant därejesımen kırısedı. Keŋes Odaǧy men Polşanyŋ marşaly, ekı märte Keŋes Odaǧynyŋ Batyry Konstantin Rokossovskii basqarǧan maidannyŋ 24-şı gvardiialyq diviziiasy 72 atqyştar polkynyŋ 6-şy rotasynda qyzmet atqarady. Al 1943 jyly äkemdı Rostov arqyly II Ukraina maidanyna jıberedı. Nemıs basqynşylarmen talai ret betpe-bet şaiqasta jürıp, tört ret jaralanady. Soǧysqa bastan-aiaq qatysqan ol bırneşe orden-medaldar iegerı.
Soǧys aiaqtalǧannan keiın, 1945 jyldan 1989 jylǧa deiın üzdıksız mūǧalım bolyp eŋbek ettı. Qanşama balalar men jastardy bılım närımen susyndatyp, ülken ömırge joldama berdı. 1982 jyly «Qazaq SSR eŋbek sıŋırgen ūstazy» belgısımen marapattaldy.
Boiyndaǧy bar bılımı men bılıgın, qajyr-qairatyn, süiıspenşılıgın şäkırtterıne arnap, baqytym – balam dep ömır sürgen äkem «Menıŋ barym – tärbielegen bırneşe buyn şäkırtterım» dep aityp otyratyn edı. Ol men üşın äke ǧana emes, tälımger ūstazym da edı. Jasymnan sol abzal äkeme elıktep, körkem şyǧarmalardy qūnyǧa oqyp, halyq auyz ädebietınıŋ mol mūrasyna qanyqtym. Otbasynda tek qana qazaqşa söilep, äke yqpalymen halqymyzdyŋ ädet-ǧūrpyn, salt-dästürın üirenıp östım.
Äkem zeinetke şyqqannan keiın de ärkez halyqtyŋ arasynan tabylatyn. Keşegı auyr uaqytta jetım-jesır, äl-auqaty tömenderge qarailasyp, qol ūşyn berıp jüretın edı. Älı künge deiın äkemnıŋ kömek-järdemın körgen tuǧan-tuysqandar, körşı-qolaŋdar rizaşylyqpen aityp otyrady.
Endı, mıne, sol sūrapyl soǧystyŋ aiaqtalǧanyna da 70 jyl ötıptı. Osy bır Jeŋıs degen şuaqty kündı jaqyndatqan, otty jyldardy basynan ötkere jürıp, bızge beibıt ǧūmyr syilaǧan maidangerler qatary künnen-künge sirep keledı. Men de bügın sol sūrapyl soǧystyŋ beinetın tartqan jan äkemdı eske alamyn. Keudemdı saǧynyş kerneidı.
Al bügınde ortamyzda jürgen maidangerlerdı Jeŋıs merekesımen qūttyqtap, elımızde beibıtşılık besıgı terbele bersın dep tıleimın.
Baqytjamal ÄBDILDİNOVA
