Senbıde qalalyq «Jerūiyq» saiabaǧynda «Jüzjyldyqty belsendı ūzaq ömır sürumen toilaimyz» atty ūranmen ötkızılgen respublikalyq keŋ auqymdaǧy «Densaulyq festivalı – 2014» şarasyna kuä boldyq. «Qazaqstan – 2050» strategiiasynyŋ maŋyzdy baǧyttarynyŋ bırı – Qazaqstan halqynyŋ densaulyǧyn saqtap, materialdyq jäne ruhani kemeldıkke jetkızu ekenı belgılı. Ony jüzege asyrudyŋ negızı – basym halyqtyŋ salamatty ömır saltyn ūstanu mädenietın qalyptastyru.
Elordamyzdaǧy densaulyq saqtau basqarmasy men Salamatty ömır saltyn qalyptastyru ortalyǧynyŋ bastamasymen ötkızıletın jyl saiynǧy atalmyş aksiia jappai jügıruden bastau aldy. Qajymūqan Mūŋaitpasov pen Maǧjan Jūmabaev köşelerınıŋ qiylysyndaǧy Auǧan soǧysy ardagerlerınıŋ eskertkışınen bastalyp, «Jerūiyq» saiabaǧynda saiabyr tapqan jappai jügıruge 4000-ǧa tarta qala tūrǧyndary belsene qatysty. Sondai-aq, saiabaq ışınen aşylǧan qalaşyqtarda medisinalyq mäselelerge qatysty sūraqtaryna mardymdy jauaptaryn aldy.
Densaulyq festivalıne qatysuşy tūrǧyndar men qonaqtar diabet pen basqa da aurularǧa jedel testerden ötıp, qan qysymdaryn ölşetıp, aqparattyq bılım beru materialdarymen tanysyp, adam saulyǧyna arnalǧan aqyl-keŋesterge qūlaq türdı. Būl jerde tek qana medisinalyq nemese dene şynyqtyru jattyǧularymen şektelıp qalmai, 200 adam fleşmobqa qatysty. Sondai-aq, estrada ärtısterınıŋ, körkemönerpazdyq ūjymdar men mädeni ortalyq ökılderınıŋ önerın tamaşalady.
Salamatty ömır saltyn ūstanuǧa qoǧamnyŋ, jastar men egde tartqan adamdardyŋ nazaryn audaru üşın respublika kölemınde ūiymdastyrylatyn osy aksiiaǧa ötken jyly 1,5 million adam qatysqan. Al būl körsetkış biyl odan da asyp tüsuı yqtimal.
«Äleumettık baǧdarlama boiynşa ūiymdastyrylatyn mūndai şara terıs ädetterden, retsız tamaqtanudan saqtandyru, semızdık auruynyŋ aldyn alu, öz densaulyǧyŋdy saqtau, «auyryp em ızdegenşe, auyrmaityn jol ızdeu» amaly» deidı Astana qalalyq densaulyq saqtau basqarmasynyŋ orynbasary Säbit Äbdıraiymov.
1999 jyldan bastap respublikanyŋ barlyq audandarynda jastar men egde jastaǧylar üşın jyl saiyn atalyp ötetın şynaiy merekege ainalǧan «Densaulyq festivalı» salamatty ömır saltyn, taŋerteŋgılık jäne öndırıstık jattyǧudy nasihattap, densaulyqty saqtau mäselelerınen habardar qylu jäne sporttyŋ är türıne qyzyqtyru maqsatynda aldaǧy jyly da jalǧasyn taba bermek.
Quat Qiyqbai
