«Halyq-Life» AQ ömırdı saqtandyru kompaniialary arasynda bırınşı bolyp «Bilim-Life» önımın şyǧardy. Memlekettık bılım beru jinaqtau jüiesı şeŋberındegı jaŋa önım Qazaqstannyŋ kez kelgen azamatyna öz balasyn elımızdıŋ de, şeteldıŋ de JOO-da oqytuǧa qajettı somany jinaqtauǧa mümkındık beredı. Osy önım turaly tolyǧyraq bıluge «Halyq-Life» AQ Astana qalalyq filialynyŋ direktory Jūldyz Sūŋǧatqyzy Bojeevamen sūhbattasqan edık.
– Saqtandyru naryǧynda būl bıregei saqtandyru önımı ekenı sözsız. Onyŋ paida boluyn bız elımızdıŋ saqtandyru salasyndaǧy «ülken serpılıs» dep aita alamyz ba?
– İä, aita alamyz. Bügınge deiın Qazaqstanda bırde-bır saqtandyru qyzmetı memleket tarapynan syiaqy alǧan joq. Äleumettık maŋyzyn eskere otyryp, saqtandyru qoǧamdastyǧy men memlekettık instituttardyŋ belsendı jūmysynyŋ arqasynda bızde memlekettık bılım beru jinaqtau jüiesı şeŋberınde jaŋa maqsatta saqtandyru önımı paida boldy. Ata-analar üşın bolaşaqta balasynyŋ ömırınıŋ ırgetasyn berık etıp qalauy, oǧan jaqsy bılım beruı jäne sol arqyly onyŋ ülken ömırge senımdı qadam basuyna kömektesuı qanşalyqty maŋyzdy ekenın bärımız tüsınemız. Endı kez kelgen qazaqstandyq «Bilim-Life» saqtandyru baǧdarlamasynyŋ arqasynda 5% mölşerınde memleket syiaqysyn ala alady, al köpbalaly ata-analar üşın jinaqtau somasyna jyldyq 7% syiaqy qosylady. Osylaişa olar balasyn oqytuǧa qarajat jinaidy.
– «Bilim-Life» baǧdarlamasy qalai jüzege asyrylady?
– Ony jüzege asyru joly öte qarapaiym. Balasynyŋ sapaly bılım aluyn oilaityn klient olardyŋ jas şamasyna qarai jinaqtauşy baǧdarlamanyŋ merzımın jäne saqtandyru syiaqylarynyŋ özıne yŋǧaily mölşerın taŋdaidy. Būl rette «Bilim-Life» boiynşa saqtandyru jarnalarynyŋ mölşerı aiyna eŋ az degende 3 AEK-ten bastalady jäne mölşerı jaǧynan oǧan şekteu joq. Mysaly, ata-analar qazır 7 jastaǧy balasyna «Bilim-Life» baǧdarlamasy boiynşa 10 jylǧa kelısımşart jasaidy. Bala 17 jasqa kelgende bılım aluǧa jetkılıktı somany 10 mln teŋge kölemınde alu üşın olar ai saiyn 42 myŋ teŋgeden jinap otyru qajet. Jinaqtau merzımı aiaqtalǧannan keiın būl soma bala oqityn bılım beru mekemesınıŋ şotyna tüsedı. Būl öte tiımdı baǧdarlama ekenı anyq, öitkenı klient 10 jyl ışınde jinaqtalǧan qarajatyna saqtandyru kompaniiasynyŋ kırıstılıgı (2,3 mln teŋge) jäne memleketten syiaqy (2,6 mln teŋge) esebınen qomaqty qosymşa soma alady.
– «Bilim-Life» ömırdı saqtandyrudyŋ basqa önımderımen salystyrǧanda qandai artyqşylyqtarǧa ie?
– Önımnıŋ basty artyqşylyǧy – saqtandyrylǧan ata-ana üşın saqtandyru qorǧanysynyŋ boluy. Kei klientterde saqtandyru merzımı 20 jylǧa deiın jetuı mümkın, sol kezeŋ ışınde klient mügedek bolyp qalsa nemese qaitys bolǧan jaǧdaida da saqtandyrylady. Sondyqtan saqtandyru kompaniiasynyŋ klientterı «Bilim-Life» baǧdarlamasy boiynşa balalarynyŋ ata-analary qaiǧyly jaǧdaiǧa tap bolsa da, olar joǧary oqu ornyna tüsken kezde barlyq somany aluǧa kepıldık berıletınıne senımdı bola alady. Sonymen qatar saqtandyru şartynyŋ bükıl qoldanylu merzımıne joǧary kepıldendırılgen kırıstılık mölşerlemesı jäne memleketten syiaqy esepteledı. Sondai-aq, eger bala bılım beru grantyn alsa, mūndai jinaqtardy saqtandyru kompaniiasynan jäne memleket syiaqysymen investisiialyq tabyspen alyp tastauǧa nemese basqa balaǧa saqtandyrudy qaita resımdeuge bolady. Būdan basqa, baǧdarlama boiynşa kepıldık beru qory jinaq mölşerı şekteusız saqtandyru tölemıne tolyq kepıldık beredı jäne kompaniia klientterınıŋ salyqtardy ünemdeuge, iaǧni salyq salynatyn kırıstı saqtandyru syiaqylarynyŋ somasyna (küntızbelık jylda 320 AEK-ke deiın) azaituǧa mümkındıgı bolady. Būl rette saqtandyru jarnalarynyŋ merzımı men mölşerıne şekteu qoiylmaidy.
