Bılım beru mekemelerınıŋ qyzmetkerlerı bas qosqan tamyz mäslihatynda Astana qalasynyŋ äkımı İmanǧali Tasmaǧambetov mektep saittarynyŋ salǧyrttyǧyn synǧa alǧan edı. Aqparattyŋ qaryştap damyǧan zamanynda internettı tiımdı paidalanbau, ärine, kemşılık. Alaida būl olqylyq mektep tügılı, qala basqarmalarynan da tabyldy. Äkımdıkke qarasty mekemelerdıŋ resmi saityna üŋılgende, özımızdı «şaqyrylmaǧan qonaq» sekıldı sezındık. Saqau audarmalar men mardymdy aqparat beruge jaramaityn mūndai saittardyŋ qyzmetı kımge qajet?
Qazırgı taŋda jer telımı men tūrǧyn üi mäselesı kez kelgen otbasynyŋ jandy jerı. Astanaǧa qonys audaruşylar men qalalyqtardyŋ köbın däl osy saualdar mazalaidy. Kezınde memlekettık baǧdarlama boiynşa üi alǧandardyŋ tızımın «süiınşılep» jazǧan sait jūmysymen tanysu üşın Astana qalasy Tūrǧyn üi basqarmasynyŋ resmi saityn aqtardyq. Mūnda basqarma basşysy Serık Ospanovtyŋ maŋdaialdy sözı «Qūrmettı saityŋ enuşıler!» degen öreskel qatemen bastalǧan.
«Sızder basqarmanyŋ qyzmetı turaly, sondai-aq, tūrǧyn üi qatynastary salasyndaǧy atqarylyp jatqan jūmystar turaly qajettı aqparatty alady dep ümıttenemız. Osy sait Astana qalasynyŋ Tūrǧyn üi basqarmasy men halyq arasynda özara ıs-qimyl men yntymaqtastyqty jaqsartu üşın aşyldy» dep jazady qūrmettı basşy. Al jaŋalyqtar aidarynda
«Nazarbaev öz jarlyǧymen parlamenttı taratty» degen aqparattan basqa, atalǧan salany qamtityn bırde-bır aqparat joq. Onyŋ özı «İnterfaks-Qazaqstan» agenttıgınıŋ aqparaty boiynşa byltyrǧy jyldyŋ qaraşa aiynda engızılgen. Resmi saittyŋ jūmysyna üŋılsek, soŋǧy ekı jyldan berı elımızde tek üş oqiǧa ǧana oryn alǧandai. Bızge oqiǧanyŋ sany maŋyzdy emes, alaida tūrǧyn üi salasyna qatysty tolyp jatqan mäselelerdı nege kötermeske? Halyqqa qajettı aqparatty nege ūsynbasqa? Jaŋalyqtar mūraǧatyn aitpaǧanda, sūraq-jauap aidarynda bırde-bır jauap berılmegen. Osyǧan qarap, basqarmaǧa elordalyqtar tarapynan sūraqtar qoiylmai ma degen oi keledı. Bıraq elorda äkımdıgınıŋ saitynda qala basşysy İmanǧali Tasmaǧambetovke qoiylar sūraqtardyŋ seksen paiyzy däl osy salaǧa qatysty ekenın bılemız. Mümkın, basqarma basşysynan mardymdy jauap ala almaǧan halyq äkım saityna jügınıp jürgenı sondyqtan bolar. Qazaqstan Respublikasynyŋ zaŋnamasy, Normativtık qūqyqtyq qūjattar, basqarma qūrylymy turaly aqparattar orys tılınde jariialanǧanymen, memlekettık tıl – qazaq tılıne oryn berılmegen.
Astana qalasynyŋ Jer qatynastary basqarmasy saitynyŋ da jaǧdaiy da osyǧan ūqsas. Soŋǧy jaŋalyqtaryna jügınsek, būl jerde de byltyrǧy Parlamenttıŋ taraǧany turaly aqparattan basqa, salanyŋ jūmysyn körsetetın oqiǧa joq. Äiteuır, jyl basynan berı qoiylǧan tört sūraqtyŋ jauaby berılgen. Mekemenıŋ internet-resurstaryna jauapty ekı tūlǧa bar körınedı. Sonyŋ bırı Kadr jäne qūjat ainalymy bölımınıŋ bastyǧy Güljan Tūrsymbaevadan «Byltyrdan berı sait nege jaŋartylmaǧan?» dep sūraǧanymyz da, «Jaŋartamyz» degen jauap aldyq.
Bärımızge belgılı, bas qalada qūrylys qarqyny bäseŋdegen emes. Jylda paidalanuǧa jaŋa nysandar berıledı. Aldaǧy uaqytta boi köteretın ǧimarattar qanşama? Alaida Astana qalasy Qūrylys basqarmasynyŋ saityna kırseŋız, bırde-bır qūrylys turaly aqparat taba almaisyz. Baiandamalar men esep beruler, sonymen qatar sūraq-jauap aidarlarynyŋ aty bar da, zaty joq.
Bolat Majaǧūlov basqaratyn Mädeniet basqaramasynyŋ resmi saity özge mekemelermen salystyrǧanda köş ılgerı. Mäselen, keibır basqarmalar 5-6 aidardyŋ özın igere almai jürgende, basqarma saitynda 18 aidar ornalastyrylǧan. Elordada ötken mädeni oqiǧalar, jiyndar ärdaiym jaŋartylyp tūrady. Aldaǧy uaqytta Astana qalasynyŋ mädeniet mekemelerınde ötkızıletın ıs-şaralar tızımı men satylatyn biletter turaly tolyq aqparat aluǧa mümkındık berılgen. Tarihi eskertkışter turaly, sondai-aq basqarmaǧa qarasty ūiymdar turaly bırqatar mälımetter mekeme saitynda qamtylǧan.
Köŋılge jūbanyş etıp aituǧa bolatyn nysan – Jūmyspen qamtu jäne äleumettık baǧdarlamalar basqarmasy. Būl mekemenıŋ saity halyqty eŋ qajet aqparattarmen qamtamasyz etudı dūrys jolǧa qoiǧan eken. Basqarmanyŋ qyzmetı turaly, sondai-aq halyqty äleumettık qorǧau salasynda atqarylǧan jūmystar turaly qajettı mälımetke qol jetkızu oŋai. Basqarma basşysy Alma Altybaeva azamattardyŋ saualyn jauapsyz qaldyrmaityn körınedı. Sait jūmyspen qamtu baǧdarlamasynan bölek, äleumettık mäselelerdıŋ bärın tügel ornalastyrǧan. Tıptı, basqarma jūmysynyŋ sapasyn bılu üşın arnaiy saualnama ūiymdastyrylǧan. Aşyq türde ötkızıletın saualnamada saitqa kıruşılerdıŋ 40 paiyzy basqarma jūmysynyŋ nätijelerı men tiımdılıgın öte jaqsy dese,13 paiyzy jaqsy dep baǧalaǧan. Qalǧandary naşar dep nemese jauap beruge qinalatynyn jetkızgen.
Dese de, quanyşymyzdan ökınışımız köp bolyp tūr. Aitalyq, Astana qalasynyŋ Käsıpkerlık jäne önerkäsıp basqarmasy saity da osydan üş ai būryn ötken elordadaǧy «Astana» ekşn-filmder kinofestivalı turaly jaŋalyqty engızumen toqtaǧan. «Goszakupki» sözınıŋ qazaqşa balamasyn taba almaǧan sait saqau saualnama ūiymdastyrudy jön körgen. «Sız saittyŋ kelıp ketuşı. Sız kım bolasyz?» degen saualnamaǧa jyl basynan berı nebärı tört adam jauap berıptı. Bız aldaǧy nömırlerımızde basqa basqarmalardyŋ resmi saity turaly da jariialaityn bolamyz. Qyzmet körsetudıŋ sapasyn jaqsartu üşın Ükımet elektrondy qyzmet türlerın jetıldırudı oilastyryp jatqanda bızdıŋ basqarmalardyŋ qarapaiym aqparat berudıŋ ädısın bılmeitını qynjyltady.
Gülmira AIMAǦAMBET
