Būl suret 1968 jyly Selinograd qalasynda tüsırılgen. Sol kezdegı oblystyq tarihi-ölketanu muzeiınıŋ direktory S.İ.Lure qoǧam qairatkerı, Almaty qalasyndaǧy Respublikalyq ūlttyq mūrajaidyŋ direktory Sara Sätbaiqyzyn özı basqaratyn muzei qyzmetkerlerımen täjıribe bölısu üşın şaqyrady.
Alpysynşy jyldardyŋ aiaǧynda Tyŋ ölkesınde könenıŋ közı sanalatyn jädıger qūndylyqtardy ızdep tauyp, jinaqtap, jas ūrpaq tärbiesınıŋ qainar közıne ainaldyru jolynda josparly jūmystar keŋınen etek alǧan bolatyn. Mıne, osy negızde aty respublikaǧa keŋınen tanymal, osy salanyŋ korifeiı sanalatyn jannyŋ tälımgerlık tälımımen bölısu muzei qyzmetkerlerı üşın ülken jetıstık boldy.
Irgetasy 1923 jyly qalanǧan būl muzei keiın ädıstemelık ortalyqqa ainalady. Astana qalasyndaǧy qazırgı Säken Seifullin muzeiı osy muzeidıŋ ädebiet bölımınıŋ bazasynda aşylǧan.
Sara Esova selinogradtyqtar üşın Qazaqstandaǧy äiel teŋdıgı jolyndaǧy bel buyp küresken qairatker ǧana emes, tūŋǧyş komsomol, äiel jurnalist retınde de qūrmetteletın. Ol 1937-1938 jyldarǧy stalindık qandy qasaptyŋ qūrbanyna ainalǧan būrynǧy Qazaq SSR-ı Halyq komissarlary Keŋesınıŋ töraǧasy Oraz İsaevtyŋ jary edı.
Surette Sara Esova Selinograd oblystyq tarihi-ölketanu muzeiınıŋ qyzmetkerlerımen bırge.
Ǧaziza İSAHAN
