Şyǧys jūrty köpten asyǧa kütken Ertıstıŋ sol jaǧalauynda salynǧan jaŋa meşıt el igılıgıne berıldı. Kölemı jönınen Astanadaǧy «Nūr Astana» men Äzıret Sūltan meşıtterınen keiıngı oryndy ielenetın imandylyq üiı öskemendık mūsylmandardyŋ köz quanyşyna ainaldy.
«Bızdıŋ ölke üşın būl tarihi kün. Dınımızdı, dästürımızdı saqtau üşın osyndai zäulım, saltanatty meşıt būrynnan qajet edı. «Eşten keş jaqsy», osyndai quanyşty künge jetıp otyrmyz» dedı meşıttıŋ aşylu saltanatynda Şyǧys Qazaqstan oblysynyŋ äkımı Berdıbek Saparbaev. Ǧimarat qūrylysy 2009 jyly bastalǧan-dy. Qarjy jetıspeuşılıgıne bailanysty qūrylysy üş jylǧa sozylǧan imandylyq üiınıŋ eŋse tıkteuıne şyǧys jūrty jūdyryqtai jūmyldy. Oblys basşysy Berdıbek Saparbaevtyŋ arqasynda soŋǧy üş aida ǧimarat qūrylysy qarqyn alyp, 20 myŋǧa juyq adam sauapty ıske öz ülesterın qosty.
Jaŋa meşıtte bır mezette üş myŋ adam qūlşylyq jasai alady. Äielder qūlşylyq etetın jeke bölme de qarastyrylǧan. Sonymen qatar qatymhana, kıtaphana, neke zaly men sündetteu bölmesı bar. Meşıtke keluşılerdıŋ kölıkterın qoiatyn avtotūraq ta jospardan tys qalmaǧan. Meşıt qūrylysyna 1,5 milliard teŋge kölemınde qarjy jūmsaldy.
«Būl imandylyq üiın elımızdegı eŋ ülken meşıtterdıŋ bırı degenımız dūrys. Ǧimarattyŋ jalpy biıktıgı – 20 metr, mūnaralarynyŋ biıktıgı – 63 metr. 63 – Mūhammed (s.ǧ.s.) paiǧambarymyzdyŋ ömırden ozǧan jasyn körsetse, mūnaranyŋ janyndaǧy bes kümbez mūsylmannyŋ bes paryzyn äigıleidı. Jalpy audany 800 gektardy qūraidy. Ǧimarattyŋ bırınşı qabatynda üş qatymhana ornalasqan. Al ekınşı qabatta Qūran-kärımdı üirenetın jäne oqityn ekı synyp bölmesımen qatar, däret alu orny qarastyrylǧan. Sondai-aq, myŋ jarym adamǧa arnalǧan zal jūmys ısteidı. Ǧimarattyŋ üşınşı qabatynda, balkonymen qosqanda syiymdylyǧy 2500 oryndy qūraityn namazhana oryn tepken. Er-azamattar negızgı zalda namaz oqysa, äiel adamdar balkonda ǧibadattaryn jasaidy» deidı Qazaqstan mūsylmandary dıni basqarmasynyŋ Öskemen aimaqtyq ökıl imamy Nūrlan Asanov.
CÜBELI SÖZ*
Mūhtar QŪL-MŪHAMED, Memlekettık hatşy: «Qūthana qūtty bolsyn»
Tek qazaqqa ǧana emes, bükıl türkı halyqtaryna altyn besık bolǧan qasiettı meken – Altaida elımızdegı eŋ ülken meşıtterdıŋ bırı aşylyp otyr. Osy qūthanalaryŋyz qūtty, qaiyrly bolsyn. Bız Täuelsızdık alǧanǧa deiın bükıl elımızde alpysqa juyq qana meşıt bolatyn. Täuelsızdık alǧannan keiın Elbasymyz ärbır azamatqa özınıŋ ǧaziz dının, mübäräk dının ūstanuyna jaǧdai jasady. Sonyŋ arqasynda, elımızde bügınge deiın 2500-ge juyq meşıt aşyldy. Osynyŋ barlyǧy elımızdıŋ bereke-bırlıgın arttyratyn jaǧdai. Sondyqtan barlyǧyŋyzdy bügıngı bolyp jatqan qasiettı şaramen şyn jürekten qūttyqtaimyn.
Dulat İSABEKOV, jazuşy, dramaturg, Memlekettık syilyqtyŋ iegerı: «Meşıt köbeise, besık te köbeiedı»
Şyǧysta İerusalimdegı «Al-Aqsaǧa» ūqsaityn, Astanamyzdaǧy Äzıret Sūltan meşıtıne ūqsaityn säulettı de körıktı meşıt boi köterıp otyr. Ärine, elımızde basqa meşıtter de salynyp jatyr, alaida būl ǧimarattyŋ orny bölek. Mūnyŋ bärı täuelsızdıgımızdıŋ arqasy, äitpese, baiaǧy zaman bolsa, mūndai qūrylysty salamyz degen oi üş ūiyqtasaq tüsımızge de kırmes edı ǧoi. Būl kün memleketımızdıŋ tarihynda qalatyn maŋyzdy kün bolmaq. Elımızde meşıt köbeie bersın, meşıt köbeise, besık te köbeimek.
