Sälemetsız be, Saiat aǧa? Sızdıŋ şyǧarmaşylyǧyŋyz qatty ūnaidy. Bıraq, keiıngı kezde jaŋa änderıŋızdı estımeitın boldyq. Qazır qaidasyz?
Aiaulym ÄZİBEKOVA, student
Qazır jastardyŋ köbı arzan sözdı änderge qūmar bolyp kettı. Menıŋ ondaiǧa jolaǧym kelmeidı. Sözdıŋ salmaǧy bolǧany dūrys qoi. Ekınşıden, jaŋa än jazdyrmai jatqanym joq. Jazdyryp jatyrmyn. Köbınese «Qazaq radiosy» men «Şalqardan» berılıp tūrady.
Estrada jūldyzdarynyŋ arasynan qazaqi, qarapaiym bolmyspen önerde özındık qoltaŋba qalyptastyrǧan änşısız. Şyǧarmaşylyq keşıŋızdı qaşan ötkızesız?
Aiym KARİMOVA, oqyrman
Ol oida bar. Biyl küzde josparlap otyrmyn. Būl – qarajattyŋ yŋǧaiyna qarai jüzege asatyn jūmys.
Änşılerdıŋ köbı «Ekı jūldyz», «Keş jaryq» syndy jobalarǧa qatysyp jür. Sondai şoulardan sızdı nege körmeimız?
İnara ARMANQYZY, oqyrman
– Bırınşıden, ol şoularǧa şaqyrmaǧanyna qatty quandym. Ekınşıden, soǧan qatysuǧa asa bır qūlqym da joq. «Ekı jūldyzǧa» qatysar bolsaŋ, ūiymdastyruşylar ne ki dese, sony kiıp, ne ıstese dese, sony ısteuge mäjbürsıŋ.
Bır sūhbatyŋyzda dostarym «avtosynşy» dep ataidy depsız. Osy uaqytqa deiın qanşa kölık mındıŋız?
Erasyl QAJYHANOV, oqyrman
– Avtokölıkterımnıŋ ūzyn-sany jiyrmaǧa jetıptı. Bailyǧym tasyp bara jatqannan nemese maqtanǧannan emes, kölıktı qatty jaqsy köremın. Nege ekenın bılmeimın, astymdaǧy kölıgım aiaqasty ūnamai qalady. Sodan ne satyp jıberem nemese auystyramyn. Menıŋ «avtoqūmarlyǧymdy» dostarym da bılıp alyp, qaljyŋdap «avtosynşy» deidı. Qazır änşıler kölık alatyn bolsa, bırden menı şaqyrady.
Beinebaianyŋyz nege joq?
Jūldyz JUMAŞKİNA, oqyrman
Sol beinebaiandy tüsıru kerek pe dep oilanyp jürmın. Eldıŋ bärınıŋ sūraityny – beinebaian. Bolaşaqta tüsıremın. Jalpy, beinebaian – adamnyŋ qūlaq qūryşyn qandyryp, közın taldyratyn närse boluy kerek.
Qazaq estrada änşılerınıŋ köpşılıgı sahnada qozǧala almaidy degen syni pıkır sızdı de ainalyp ötpegen siiaqty…
Şynar ELUBAEVA, oquşy
Men bişı emes, änşımın ǧoi. Bilep ūiatqa qalǧanşa, halyqtyŋ aldyna şyǧyp änımdı jaqsy oryndap bersem boldy. Elge ūnamaityn än aityp jatqan joqpyn. Bileitındei repertuarymda köŋıldı änder de köp emes. Lirikalyq än aityp tūryp qalai bileisıŋ. Artyŋda bi qoidyru dūrys şyǧar, ony bolaşaqta köre jatarmyz. Bıraq menıŋşe, eŋ aldymen şyǧarmaşylyqqa köŋıl bölu qajet. Negızgı salmaqty repertuarǧa salamyn.
Qarapaiym körermen retınde qai änşılerdı tyŋdaisyz?
Arailym SMAǦŪLOVA, buhgalter
Qazaqi, sanaly dünie jetkızıp jatqan änşınıŋ bärın jaqsy köremın. Änşılerdı änıne qarai tyŋdaimyn. Janyma jaqyn än aitsa, bärın tyŋdauǧa daiarmyn. Kezınde Dosymjan Taŋatarovtyŋ oryndauyndaǧy «Jeteiın desem, jete almai» degen ändı közımızge jas alyp, tyŋdaǧan kezım bolǧan. «El maqtaǧan jıgıttı qyz jaqtaǧan» demekşı, Meirambektıŋ de änderı ädemı.
Saiat aǧa, jeke biznesıŋız bar ma?
Ardager ESENŪLY, student
– Alyp bara jatqan biznes joq. Jalpy, qai qazaqtyŋ bolsyn, maljandy keletını ras. Menıŋ de şama-şarqym kelgenşe mal kütıp-baptaitynym bar. Auylda şaruaşylyǧymyz bar.
Sportpen şūǧyldanasyz ba?
Nūrasyl ERNARŪLY, oquşy
– Men sportşy bolsam deuşı edım. Auylda bokstan sport seksiiasy aşylyp, soǧan qatty barǧym keldı. Bıraq, üide malǧa qaraityn eşkım bolmai, bara almadym. Erıksız üide ştanga köterıp, sodan boiym öspei qaldy (küldı).
Ärıptesterıŋızden kımdermen jaqsy aralasasyz?
Gülım BOLATQYZY, oquşy
Bır sahnada jürgen soŋ barlyǧymen bırdei aralasuǧa tyrysamyn. Körgen jerde sälemımız tüzu. Teatr ärtısterımen jaqsy aralasamyn. Bekjan aǧamyz bar, Dulyǧa, Erlan taǧy basqalary bar.
Äzırlegen
Erkejan KÖPTILEUQYZY
