Seiitqasym Baibekov, Qazaq tehnologiia jäne biznes universitetiniŋ prezident-rektory, tehnika ǧylymynyŋ doktory, professor: Bäsekelestik biikti baǧyndyrtady
Düiim eldi dara şyǧaratyn da, sara şyǧaratyn da – bilimi, biliktiligi, bäsekege qabilettiligi. Azuyn aiǧa bilegen alpauyt memleketterdiŋ qai-qaisysy da osy salasynyŋ jetiluimen, örkendeuimen özgeden biik boldy, ozdy. Bilimin jetildirgen elde mädeniet te kenje qalmaitynyn, adamdary da azyp-tozbaitynyn, abyroi-bedeli de alysqa şyrqaitynyn uaqyt körsetti, däleldedi. Sonymen kösegemiz kögerip, keregemizdiŋ keŋeietinin biz de ūqtyq. Ūqtyq ta, iske bek kiristik!
Egemendigimizge jiyrma jyl! Etek-jeŋimizdi jinap, eŋsemizdi tik ūstadyq! Täube, ärine! Alaida, baǧanaly eldiŋ bas qaiǧysyna ainalǧan problemalar da jeterlik. Olardyŋ şeşilu tetigi tek bilimde ekeni anyq. Elbasy Nūrsūltan Nazarbaev jyl saiynǧy halyqqa arnaǧan dästürli Joldaularynda būl salanyŋ qaryşty damuyna baiandy baǧyt siltep, auqymdy mindetter jüktep keledi el azamattaryna. El bolaşaǧyn jarqyn qalauǧa, kemeldendiruge biz de qal-qadirimizşe qol ūşyn sozyp, üles qosyp kelemiz. Būl sözime elordadaǧy irgeli oqu oryndarynyŋ biri Qazaq tehnologiia jäne biznes universitetinen jyl saiyn tülep ūşyp jatqan jüzdegen, myŋdaǧan studentter kuä. Ol är salada qarymdy eŋbek etip, örkendeuimiz ben örleuimizge küş saluda.
Tūŋǧyş köşbasşymyz biylǧy bas qūjatta keleşegimizdi kemeldendiru üşin on baǧytyn ūsyndy. Olardyŋ ärqaisysynyŋ astarynda ülken salmaq, män, mazmūn jäne maŋyzdy mindet jatyr. Bas qūjatta aitylǧandardyŋ barlyǧy derlik qazaqstandyqtardy quantty, erteŋge sendirdi jäne serpin berdi. Sonda Elbasy bylai deidi: «…oqytu üderisiniŋ tärbielik qūramdasyn küşeitu qajet. Olar – patriotizm, moral men parasattylyq normalary, ūltaralyq kelisim men toleranttylyq, tänniŋ de, jannyŋ da damuy, zaŋǧa moiynūsynuşylyq. Būl qūndylyqtar, menşiktiŋ qandai türine jatatynyna qaramastan, barlyq oqu oryndarynda da siŋiriluge tiis». Mine, Prezidenttiŋ ärbir sözi – biz üşin zaŋ! Sarabdal saiasattary qūptarlyq, qosylarlyq!
Bizde 1600-den astam student bolsa, aldyŋǧy jyly 27 grant bölindi. Būl körsetkiş byltyrǧy oqu jylynda 32-ge östi. Sonymen qatar, biyl ar-naiy konkursqa qatysyp, 7 mamandyq boiynşa grantpen oquǧa rūqsat aldyq. Büginde universitette 96 bilim aluşy grantpen oquda. Negizinen, tehnikalyq mamandyqtarǧa basa köŋil bölemiz. Bizdiŋ erekşeligimiz de – sol. Sebebi, elimizde tehnikalyq mamandardyŋ qat ekenin bilemiz. El qazynasynan būl baǧytqa milliardtap qarjy qaralyp jatyr. Biz de osyǧan üles qossaq degen niettemiz.
Kündizgi bölimdi bitirgen studentterimizdi jūmysqa ornalastyru isine de nazar audaramyz. Būrynyraqta tek memlekettik joǧary oqu oryndarynyŋ studentteri ǧana «Bolaşaq» baǧdarlamasymen şeteldik oqu oryndarynda bilim ala alatyn. Endi, būdan bylai elimizdegi jekemenşiktegi joǧary oqu oryndarynyŋ bilim aluşylary da būl baǧdarlamalarmen özge memleketterde oquǧa mümkindik aldy. Prezidentimizdiŋ būl bastamasy bärimizge quanyş äkeldi, süiinşili habar!
Maqala basynda söz bolǧanyndai, bilimsiz eldiŋ bolaşaǧy būlyŋǧyr. Al Qazaqstan bilim berude keŋge qūlaş ūryp, biikke sermeude. Bilim berem degenge, bilim alam degenge qoldau da, kömek te bar. Sol qoldaudyŋ, kömektiŋ arqasynda biz de mümkindikti qūr jibermeudemiz. Äsem Astana boi köterip kele jatqan Esildiŋ sol jaǧalauynan bes gektarǧa juyq jer alyp, oqu ornymyzdyŋ su jaŋa irgetasyn qaladyq. Onda studentterimizdiŋ alaŋsyz bilim aluyna barlyq jaǧdai jasalmaq. Öndiristik zerthanalarmen qamtylady.
…Elbasy Joldauy – eldiktiŋ bastauy! Osy qarqynymyz saqtalsa, äli-aq alar asuymyz arta tüseri naq!